પ્રોટીન માટે લોકો ખાસ કરીને નોનવેજ ફૂડ્સ વધુ ખાતાં હોય છે. પણ કેટલાક વેજિટેરિયન ફૂડ્સ એવા છે જેમાં ભરપૂર પ્રમાણમાં પ્રોટીન હોય છે. ચાલો જાણીએ એવા ફૂડ્સ વિશે.
નોનવેજ કરતાં વધુ પ્રોટીન હોય છે આ વેજ ફૂડ્સમાં
ડેઈલી ડાયટમાં સામેલ કરવાથી મળશે ભરપૂર પોષક તત્વો
આ ફૂડ્સ ખાશો તો શરીરમાં નહીં થાય પ્રોટીનની કમી
પ્રોટીન શરીરની તમામ કોશિકાઓમાં જોવા મળે છે. આ શરીરમાં તમામ કોશિકાઓ, સ્નાયુઓ વગેરેના નિર્માણમાં મહત્વની ભૂમિકા ભજવે છે. પ્રોટીન સ્કિન, વાળ અને હાડકાને મજબૂત કરવામાં મદદ કરે છે. આપણા શરીરમાં જતી ડેઇલી કેલરીનો લગભગ 10-35 ટકા ભાગ પ્રોટીનથી મળે છે. રોજ એક વ્યક્તિએ પ્રતિ કિલો શરીરના વજનના હિસાબે 0.8 ગ્રામ પ્રોટીન લેવું જોઈએ. મીટ, ફિશ, ઈંડામાં સૌથી વધુ માત્રામાં પ્રોટીન હોય છે, પરંતુ વેજિટેરિયન લોકો એનાથી વંચિત રહી જાય છે. આવો જાણીએ એવા વેજ ફૂડ્સ વિશે જે પ્રોટીનનો સારો સોર્સ માનવામાં આવે છે.
દાળો
દાળો ભારતીય ભોજનનો મહત્વનો ભાગ છે. દાળમાં રહેલું પ્રોટીન અને પોષક તત્વો શરીર માટે ફાયદાકારક હોય છે. એક કપ બોઈલદાળમાં લગભગ 11.86 ગ્રામ પ્રોટીન હોય છે. આ સરળતાથી બનીને તૈયાર થઇ જાય છે અને તમે રોજ તેને પોતાની ડાઈટમાં શામેલ કરી શકો છો.
કાબુલી ચણા
સામાન્ય રીતે કાબુલી ચણાને છોલે કહેવામાં આવે છે. આ દાળનું જ એક રૂપ છે. તમે એનું સેવન ઘણી રીતે કરી શકો છો. છોલેની કઢી, સૂપ, શાક વગેરે બનાવી ખાઈ શકો છો. રોસ્ટેડ છોલેનું સેવન સ્નેક્સ તરીકે કરી શકાય છે. એક કપ બાફેલા છોલેમાં 14.53 ગ્રામ પ્રોટીન હોય છે.
મગ
મગમાં પ્રોટીન, આયરન , ફાઈબર અને ઘણાં પ્રકારના પોષક તત્વો હોય છે. મગને વધુ પ્રમાણમાં લોકો અંકુરીત કરી ખાવાનું પસંદ કરે છે. મગનું સલાડ, ખીચડી અને દાળ વગેરે કોઈ પણ રીતે બનાવી ખાઈ શકાય છે. એક કપ બાફેલા મગમાં 14.18 ગ્રામ પ્રોટીન હોય છે.
વટાણા
મોટાભાગના લોકોને વટાણા ખાવા પસંદ હોય છે. લીલા વટાણા પ્રોટીન સાથે પોષક તત્વોથી ભરપૂર હોય છે. લીલા વટાણાનું શાક, સૂપ, પુલાવ વગેરે બનાવી શકાય છે. એક કપ બોઈલ લીલા વટાણામાં 8.58 ગ્રામ પ્રોટીન હોય છે.
કિનોઆ
કિનોઆ ગ્લુટેન ફ્રી હોય છે. કિનોઆ કોઈ ઘાસ પર ઉગતા નથી, જેથી તેને સ્યૂડોસીરીયલ કહેવામાં આવે છે. કિનોઆમાં પ્રોટીન અને એમિનો એસિડનું પ્રમાણ વધુ હોય છે. આ ઉપરાંત તેમાં ફાઈબર પણ હોય છે.