ગુજરાત / વડોદરામાં પૂર અસરગ્રસ્ત લોકોને ન અપાયા ફૂડ પેકેટ, વહીવટીતંત્રની બેદરકારીથી ઉઠ્યા અનેક સવાલ

વડોદરા તંત્રની બેદરકારીના કારણે સ્થાનિકોને હાલાકી વેઠવાની વારી રહી છે. ત્યારે હાલ તંત્રની વધુ એક બેદરકારીના કારણે શહેરીજનોને મુશ્કેલીનો સમાનો કરવાની વારી આવી હતી. જેમાં સૂકા ચેવડા, પાણીની બોટલોનો સર્કિટ હાઉસ મુકી રાખવામાં આવતા લોકોનો રોષ ભભૂકી ઉઠ્યો હતો.

વડોદરા વહીવટી તંત્રની વધુ એક ઘોર બેદરકારી છતી થઇ હતી. એક તરફ લોકો ફૂડ પેકેટ માટે ટળવળતા રહ્યા ત્યારે તંત્રએ ફૂડ પેકેટ સાચવીને મૂકી રાખ્યા હતા. પૂરગ્રસ્ત લોકોની મદદ કરવાના સરકારના આદેશને વડોદરાના વહીવટદારો ઘોળીને પી ગયા હોવાનું સામે આવ્યુ છે.

જેમાં તંત્ર દ્વારા 4080 પાણીની બોટલો અને 150 બોક્ષ સુકા નાસ્તાના પેકેટોનો સર્કિટ હાઉસ ખાતે સંગ્રહ કરી રખાયો હોવાનું સામે આવતા વડોદરા તંત્રના અણઘડ વહીવટ સામે અનેક સવાલો ઉઠ્યા હતા. ત્યારે આ ઘટનાને લઇ વડોદરાવાસીઓમાં રોષની માત્રા વધી છે.

વધુ વાંચો : ગુરુની વાસના ન છૂટી ! NRI મહિલા રેપમાં યોગ ગુરુની 'પૂર્વજન્મ'ની વાત, ભારે ચોંકાવનારું

ઉપરાંત હવે તંત્ર જો આ સંઘરેલા ફૂડ પેકેટ વેચવા જાય તો પ્રજા રોષે ભરાય અને પરત મોકલે તો સરકાર અકળાય તેવી સ્થિતિ સર્જાઈ સર્જાઇ છે. જેને લઇ હાલ અધિકારીઓ પણ ભરાયા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ