આરોગ્ય વિભાગ / રેમડેસિવિર ઈન્જેક્શનની માગ વધતા ટાસ્ક ફોર્સનું ગઠન, "કોઈએ અફવા માનવી નહીં બજારમાં પુરતી દવા છે"

• સ્ટેટ ટાસ્કફોર્સ કમિટીના સભ્ય ડો.અતુલ પટેલનું નિવેદન
• રેમડેસિવિર ઇન્જેક્શનને લાઇફ સેવિંગ ન કહી શકાય
• રેમડેસિવિર ઇન્જેક્શન બધાને આપવાની જરૂર નથી

ગુજરાતમાં એકા-એક રેમડેસિવિર ઈન્જેક્શન અને અન્ય દવાઓની માગ વધી રહી છે. જેને લઈ એક ટાસ્ક ફોર્સનું ગઠન કરવામાં આવ્યું છે. ટાસ્ક ફોર્સ દ્વારા પત્રકાર પરિષદને સંબોધન કરાયું હતું. સંબોધનમાં ફૂડ એન્ડ ડ્રગ્સના કમિશનર ડૉ.એચ.જી.કિશિયાએ કહ્યું કે, દિવસેને દિવસે કોરોના કેસ વધી રહ્યા છે. તેના કારણે દવાઓની માગ પણ વધી છે. આ માટે આરોગ્ય વિભાગ અને ટાસ્ક ફોર્સ તૈયાર છે.

ડૉ. અતુલે કહ્યું કે, દેશમાં 6 કંપનીઓ રેમડેસિવિર ઈન્જેક્શન બનાવી રહી છે. જેમાં કેડિલા ઝાયડસનું સૌથી સસ્તું 899 રૂપિયાનું ઈન્જેકશન છે. દવાનો સ્ટોક માર્કેટમાં પૂરતો સ્ટોક છે. લોકોએ ચિંતામાં રહેવાની જરૂર નથી. લોકોએ પેનિક થઈને દવાનો સ્ટોક કરવાની પણ જરૂર નથી. જે પ્રમાણે તબીબો આ ઈન્જેક્શન માટે પ્રસ્ક્રિપશન આપી રહ્યા છે. તે પ્રમાણે દર્દીઓને સરળતાથી ઈન્જેક્શન મળી રહ્યા છે. તે માટે ખોટું પેનિક થવાની જરૂર નથી. સાથે ડૉ.અતુલે કહ્યું કે, જો કોઈ જગ્યાએ આ ઈન્જેક્શનની ઘટ છે. તો જિલ્લા કક્ષાના આરોગ્ય વિભાગની કચેરીમાં જાણ કરી શકો છો. અથવા ગાંધીનગરમાં પણ જાણ કરી શકો છે.

લોકોએ ડૉક્ટરને ફોર્સ કરવાની જરૂર નથી

ફૂડ એન્ડ ડ્રગ્સ વિભાગની પત્રકાર પરિષદમાં નિષ્ણાંતોએ કહ્યું કે, કેટલાક દર્દીઓ તબીબોને રેમડેસિવિરના ઈન્જેક્શન માટે ફોર્સ કરે છે. આવું કરવાની નિષ્ણાંતો મનાઈ કરી રહ્યા છે. તબીબોને જ્યારે દર્દીને આ ઈન્જેક્શન આપવાની જરૂર જણાશે. ત્યારે તેને લખી આપવામાં આવશે. તે પ્રમાણે જ દર્દીઓને ઈન્જેક્શન અપાશે. બીનજરૂરી ઈન્જેક્શન લેવા ન જોઈએ. તેના સાઈડ ઈફેક્ટ અનેક છે. 

રેમડેસિવિર ઈન્જેક્શનની કિંમત અંગે સ્પષ્ટતા

રેમડેસિવિર ઇન્જેક્શનની કોઈ કિંમત નિયત કરાઈ નથી. 899થી 5400 રૂપિયા સુધી માર્કેટમાં રેમડેસિવિર ઈન્જેક્શન મળી રહ્યા છે. અલગ અલગ કંપનીઓ પોતાના કિંમત પ્રમાણે વેચાણ કરી રહી છે. રાજ્ય સરકાર દ્વારા ઓછા પૈસાથી ઇન્જેક્શન આપવામાં આવે તે કંપની પાસેથી ખરીદી રહી છે. સરકારી અને ખાનગીમાં 54 હજાર જેટલા રેમડેસિવિર ઇન્જેક્શનનો સ્ટોક છે. 38000 રેમડેસિવિર ઇન્જેક્શનનો સ્ટોક ઓપન માર્કેટમાં છે.

રેમડેસિવિર ઈન્જેક્શનનો જાણો ક્યા જિલ્લામાં કેટલો સ્ટોક

રાજ્યમાં રેમડેસિવિર ઈન્જેક્શનની વધતી માગ વચ્ચે ફૂડ-ડ્રગ્સ કમિશનર કોશિયા દ્વારા નિવેદન અપાયું છે. ફૂડ એન્ડ ડ્રગ્સના કમિશનરે કહ્યું કે, ગુજરાતમાં રેમડેસિવિર ઇન્જેક્શનનો પૂરતો જથ્થો છે. રાજ્યમાં કોવિડની જરૂરી દવાઓનું રોજ મોનિટરિંગ થાય છે. દવા બજાર-ખાનગી હોસ્પિટલમાં 28119 ઇન્જેક્શન ઉપલબ્ધ છે. અમદાવાદમાં 9223, વડોદરામાં 7746 ઇન્જેક્શનનું વિતરણ કરાયું છે. સુરતમાં 3772, રાજકોટમાં 3504 ઇન્જેક્શનનું વિતરણ થયું છે. મહેસાણામાં 144 ઇન્જેક્શનનું વિતરણ કરાયું છે. GMSCL ખાતે 16 હજાર ઇન્જેક્શનનો જથ્થો છે.