બિઝનેસ / Zomato વિવિધ હોટેલોમાંથી વપરાયેલું તેલ ભેગુ કરી કરોડો કમાશે, આ રહ્યો પ્લાન

• પ્રખ્યાત ફૂડ ડિલીવરી કંપની ઝોમેટોએ એલાન કર્યું
• ઝોમેટોએ બાયો ડી એનર્જી કંપની સાથે કરાર કર્યો
• ઝોમેટો બાયોડિઝલ બનાવવા માટે ઉપયોગ કરાયેલ કુકિંગ ઓઇલ ભેગુ કરશે

નોંધનીય છે કે બાયો ડી એનર્જી કંપની ઉપયોગમાં લેવાયેલ કુકિંગ ઓઇલથી બાયોડીઝલ બનાવવાનું કામ કરે છે. આ કરાર હેઠળ ઝોમેટો વિભિન્ન રેસ્ટોરન્ટ અને ફૂડ પોઇન્ટથી ઉપયોગ કરવામાં આવેલું કુકિંગ ઓઇલ ભેગુ કરશે. જે બાદ બાયો ડી એનર્જી કંપની આ તેલથી બાયોડીઝલ બનાવશે, જે વિભિન્ન ઓઇલ કંપનીઓના રિટેલ આઉટલેટ પર વેચાશે. હાલ ઝોમેટો ઉત્તર ભારતથી જ ઉપયોગ કરવામાં આવેલું કુકિંગ ઓઇલ ભેગુ કરશે. 

હાલ ઝોમેટોએ દિલ્હી-એનસીઆર અને અન્ય કેટલાક સ્થળોએ 1000 કિચનથી 130 ટન કુકિંગ ઓઇલ ભેગુ કરશે. કંપની ઘણી ક્વિક સર્વિસ રેસ્ટોરન્ટ બ્રાન્ડ, હોટલ્સ, અને ફૂડ પ્રોસેસર્સ પાસેથી આ તેલ ભેગુ કરશે. ફૂડ ડિલીવર કપંનીએ માર્ચ 2020 સુધી 1000 મેટ્રિક ટન કુકિંગ ઓઇલ ભેગુ કરવાનું લક્ષ્ય રાખ્યું છે. 

નોંધનીય છે કે, બાયો ડી એનર્જી અને ઝોમેટો વચ્ચે થયેલ આ કરારનો હેતુ સ્વચ્છ ઇંધણ ઉપલબ્ધ કરાવવાનો છે. એક અધ્યયન અનુસાર ઉપયોગ કરવામાં આવેલા કુકિંગ ઓઇલથી બનનારા 'ફોસિલ ઇંધણ' પારંપરિક ડીઝલની તુલનામાં 50 ટકા ઓછુ કાર્બન ઉત્સર્જન કરે છે.