શૉકિંગ / તમારે ઘરે આવતું દૂધ નકલી નથી ને? ગ્લુકોઝ અને નિરમાથી બનાવેલા દૂધનું ટેન્કર ઝડપાયું, જુઓ વીડિયો

ભારતના દરેક ઘરમાં દૂધની માંગ છે. વધારે માંગ હોવાના કારણે બજારમાં મોટા પ્રમાણમાં નકલી દૂધ આવે છે. ટેન્કર ભરી ભરીને દિલ્હી એનસીઆપમાં નકલી દૂધનો સપ્લાય થઈ રહ્યો છે. ઉત્તર પ્રદેશના બુલંદશહર જિલ્લામાં નકલી દૂધથી ભરેલી એક ટેન્કર પકડવામાં આવી છે. સફેદ ઝેર દૂધ તરીકે બજારમાં પહોંચાડવામાં આવી રહ્યું હતું પરંતુ તેના પહેલા જ 1400 લીટર દૂધ ખાડામાં વહાવી દેવામાં આવ્યું છે.

UPના બુલંદશહરમાં બની રહ્યું હતું નકલી દૂધ

ઉત્તર પ્રદેશના બુલંદશહરમાં ખાદ્ય સુરક્ષા વિભાગે એક મોટી કાર્યવાહી કરતા નકલી દૂધ પકડ્યું છે. આ નકલી દૂધ કેમિકલ મિક્સ કરીને તૈયાર કરવામાં આવી રહ્યું હતું અને દિલ્હી-એનસીઆરમાં સપ્લાય કરવામાં આવી રહ્યું હતું. આ મામલામાં 1499 લીટર નકલી દૂધ નષ્ટ કરવામાં આવ્યું છે અને તપાસ માટે 4 સેમ્પલ મોકલવામાં આવ્યા છે.

રિફાઈન્ડ, ગ્લુકોઝ, સર્ફથી બનાવતા હતા નકલી દૂધ

આરોપીના ઘર પર 15 કિલો સર્ફ પાઉડર, 150 લીટર લિક્વિડ ગ્લુકોઝ, 15 લીટર રિફાઈન્ડ તેલ મળ્યું છે. તેની સાથે જ એક વાસણમાં ખુલ્લુ રિફાઈન્ડ તેલ અને દૂધ મળ્યું. બધા સેમ્પલ તપાસ માટે મોકલવામાં આવશે. તપાસ રિપોર્ટ મળ્યા બાદ કેસ નોંધાશે.

ક્યાં આપવામાં આવે છે નકલી દૂધ?

ફૂડ સેફ્ટી ઓફિસર સાથે વાતચીતમાં જાણવા મળ્યું કે નકલી દૂધની મોટાભાગની ખપત દૂધ ડેયરીમાં થાય છે. તેના બાદ હોટલ અને ઢાબા પર નકલી દૂધ આપવામાં આવે છે.

વધુ વાંચો: કબજિયાતની સમસ્યાથી રાહત, પેટ રહેશે સાફ, આજથી જ ડાયેટમાં સામેલ કરો આ વસ્તુઓ

ફૂડ એન્ડ સેફ્ટી ઓફિસરે જણાવ્યા અનુસાર રિફાઈન્ડનો ઉપયોગ નકલી દૂધમાં ચિકાસ લાવવા માટે કરવામાં આવે છે. જ્યારે ગ્લૂકોઝનો ઉપયોગ સ્વીટનેસ માટે કરવામાં આવે છે. સફેદ ફિણ માટે તેમાં સર્ફનો ઉપયોગ કરવામાં આવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ