વરિયાળીનું ભુસુ, ક્રીમ કલરનો પાવડરમાં ગોળની રસી ભેળવી જીરા જેવુ જ દેખાતું નકલી જીરું તૈયાર કરી પધરાવી દેતો
જીરૂના નામે વરિયાળીનું ભુસું
આ જીરૂ જોખમી છે!
3200 કિલો નકલી જીરૂ જપ્ત
મહેસાણાનું ઊંઝા અને જીરું એટલે એકબીજાના પ્રયાય. એશિયાનું સૌથી મોટું જીરા માર્કેટ એટલે ઉઝા. જ્યાં જીરામાં ખેડૂતોના વિશ્વાસ રાખી સોદા કરે છે પણ ઊંઝાની આ ઓળખને નકલી જીરૂ બનાવતી ફેક્ટરીએ ઝાંખી પાડી છે. ઊંઝાના જીરાની વિશ્વભરમાં માંગ હોય છે જેનો ફાયદો ઉઠાવી બિનેશ પટેલ નામનો શખ્સ કેફટરીમાં નકલી જીરું બનાવી બજારમાં ખાણી પીણી માટે વેચી દેતો.
ફૂડ એન્ડ ડ્રગ્સ વિભાગની ટીમે પાડયા દરોડા
મહેસાણાના ઊંઝામાં નકલી જીરૂ બનાવતી ફેક્ટરીનો પર્દાફાશ થયો છે. ફૂડ એન્ડ ડ્રગ્સ વિભાગની ટીમે પાડેલા દરોડામાં 3200 કિલોના નકલી જીરાના જથ્થો ઝડપાયો છે. વરિયાળીનું ભુસુ, ક્રીમ કલર અને ગોળની રસીના મિશ્રણનો જથ્થો પણ કબજે લેવાયો છે. બિનેશ પટેલ નામના શખ્સ ખુલ્લે આમ ફેક્ટરીમાં પોતાનો આ ગોરખધંધો ચલાવતો હતો. જેની જાણ થતાં રેડ કરી નકલી જીરાના સેમ્પલ લઈને વધુ તપાસ માટે લેબોરેટરી મોકલ્યા છે. આવું બનાવટી જીરું લોકોના સ્વાસ્થય સાથે ચેડા કહેવાય. આથી ફેક્ટરી માલિક સામે ફરિયાદ
કેવી રીતે નકલી જીરાની ઓળખ થઈ
આ દરોડા દરમિયાન ટીમના ધ્યાને આવ્યું હતું કે ફેક્ટરીમાં વરિયાળીના ભૂસા સાથે ક્રીમ કલરનો પાવડર અને ગોળની રસીને મિક્સ કરવામાં આવે છે જે બાદ તડકામાં સુકવી જીરુંના આકાર અને કલર જેવું બનાવટી જીરું બનવવામાં આવે છે અને ઉંઝાના પટેલ બિનેશ રમેશભાઈ આ બનાવટી જીરું બનાવતાં ટીમના હાથે રંગેહાથે ઝડપાઈ ગયા હતા. જે બાદ અત્યાર સુધી કેટલું જીરું બનાવ્યુ અને કોણે કોણે વેચ્યું તેની તપાસ થઈ રહી છે.
જીરૂમાં ભેળસેળ કેમ?
લોકોની પહેલી પસંદ છે ઊંઝાનું જીરૂ
ઊંઝાના જીરાની લોકોમાં ખુબ માગ છે
બનાવટી જીરૂથી જીરૂના ઉંચા ભાવ મેળવવાનો શોર્ટકટ
જીરૂ કરતા વરિયાળી સસ્તી હોય છે
વરિયાળીની સાઇઝ અને જીરૂની સાઇઝ એક સરખી હોવાથી ભેળસેળમાં આસાની
વરિયાળી પર પ્રોસેસ કરીને જીરૂ જેવું બનાવી લેવાય છે
ઊંઝાની જાણીતી બ્રાન્ડના નામે પણ વેચાય છે બનાવટી જીરૂ
અસલી જીરૂ સાથે પણ નકલી ભેળસેળ કરી દેતા હોય છે
લોકોનો જીરૂનો ઉપયોગ થોડો હોવાથી ઝડપથી ભેળસેળની જાણ નથી થતી
ફૂડ એન્ડ ડ્રગ્સ વિભાગની ટીમે તંત્ર સાથે મળી 84,800 રૂપિયાની કિંમતનો 3200 કિલો જથ્થો જપ્ત કર્યો છે આ ઉપરાંત ગોળની રસીનો 200 લિટર જેટલો જથ્થો પેરિસેબલ હોવાથી જથ્થા પર જ તેનો નાશ કર્યો છે.