ફેરફાર / બેલેટ, EVM બાદ હવે આ રીતે મતદાન કરાવવા માટે ચૂંટણી પંચે શરૂ કરી પ્રક્રિયા 

• સામાન્ય ચૂંટણી પ્રક્રિયામાં થઈ શકે છે મોટું પરિવર્તન
• ચૂંટણી પંચ કરી રહ્યું છે તૈયારી
• રિમોટ વોટિંગ પદ્ધતિ માટે થઈ રહ્યું છે ટેસ્ટિંગ

ચૂંટણી પંચ ભારતની ચૂંટણી પ્રણાલીમાં મોટા ફેરફારની તૈયારી કરી રહ્યું છે. મુખ્ય ચૂંટણી કમિશનર સુનીલ અરોરાએ કહ્યું છે કે મતદારો માટે રિમોટ વોટિંગ સુવિધાના પરિક્ષણો ટૂંક સમયમાં શરૂ કરવામાં આવશે. ચૂંટણી પંચના સ્થાપના દિન નિમિત્તે દર વર્ષે 25 જાન્યુઆરીએ રાષ્ટ્રીય મતદાતા દિવસની ઉજવણી કરવામાં આવે છે. તે 11 મો રાષ્ટ્રીય મતદાતા દિવસ છે.

રિમોટ વોટિંગ માટે કરાઇ રહ્યું છે ટેસ્ટિંગ 

આ પ્રસંગે પોતાના સંદેશમાં અરોરાએ કહ્યું હતું કે, આધુનિક ટેકનોલોજીના ઉપયોગથી રિમોટ વોટિંગ પર સંશોધન પ્રોજેક્ટ શરૂ કરવામાં આવ્યો છે. તેમણે કહ્યું કે, "આ દિશામાં સારી પ્રગતિ થઈ છે અને પરીક્ષણો ટૂંક સમયમાં શરૂ કરવામાં આવશે." અરોરાએ રવિવારે એમ પણ કહ્યું હતું કે કાયદા મંત્રાલય વિદેશમાં વસતા ભારતીય મતદારોને પોસ્ટલ બેલેટ સુવિધા પ્રદાન કરવા આયોગની દરખાસ્ત પર વિચાર કરી રહ્યો હતો. હોઈ.

નોંધનીય છે કે આઇઆઇટી મદ્રાસના સહયોગથી ચૂંટણી પંચ આવી નવી ટેકનોલોજી પર કામ કરી રહ્યું છે, જેના દ્વારા દૂર-દૂરના વિસ્તારોમાં રહેતા મતદારોને મત આપવા માટે નિયત મતદાર કેન્દ્રમાં જવું નહીં પડે અને તેઓ મતદાન કેન્દ્રથી દૂર રહીને પણ પોતાનો વોટ આપી શકશે.