સાવધાની / ATMથી પૈસા કાઢતી વખતે આટલું ધ્યાન રાખો અને કોરોના અને હેકર બંનેથી બચો

એવામાં હવે ATM નો ઉપયોગ કરતા સમયે સાવધાન રહેવાની જરૂર છે. તો આજે અમે તમને કેટલાક સાવચેતીના પગલાઓ વિષે જણાવીશું, જેનાથી તમે પોતાને કોરોનાની સાથે સાથે સાઈબર ઠગથી બચાવી શકશો.

સેનેટાઈઝરનો કરો ઉપયોગ 

જો તમે ATMમાં પૈસા નીકાળવા જઈ રહ્યાં હોય તો તમારી સાથે સેનેટાઈઝર અવશ્ય રાખવું. ATMમાંથી પૈસા નીકાળ્યા બાદ હાથને સેનેટાઈઝરથી અચૂક સાફ કરો. આવું કરવાથી તમે કોરોના સંક્રમણથી બચી શકો છો.

 મોઢા પર માસ્ક અવશ્ય બાંધો 

તમે ATMની લાઈનમાં ઉભા હોય ત્યારે તમારા મોઢા પર માસ્ક અચૂક બાંધેલું હોવું જોઈએ. સાથે જ લાઈનમાં લોકોથી એક મીટરનું અંતર રાખવું. 

કેમેરાને ચેક કરો

ATM માંથી પૈસા નીકાળતી વખતે એકવાર ચારેબાજુ ધ્યાનથી જોઈ લેવું કે ક્યાંય કેમેરા તો નથી લાગેલા. કાર્ડ નાખવાની જગ્યાએ તમણે કઈ શકાસ્પદ લાગે તો સાવધાન થઈ જજો. તમારી જાણકારી માટે જણાવી દઈએ કે હેકર્સ કાર્ડ રીડ કરવા માટે ચીપ લગાવી દે છે, જેથી તમારૂ કાર્ડ એ રીડ કરી શકે. 

પીન નંબર નાખતી વખત રાખો ધ્યાન 

પીન નંબર નાખતી વખતે ધ્યાન રાખો કે તમારી આસપાસ કોઈના હોવું જોઈએ જેથી તમારો પીન નંબર કોઈ જાણી ન જાય. ATM માંથી પૈસા નીકાળ્યા બાદ એક વાર કેન્સલ બટન અચૂક દબાવવું જેથી માહિતી લીક નહિ થાય.