રોજ કંઈ અલગ બનાવીને તમે કંટાળ્યા છો અને કંઈ સારું અને ગરમ ખાવાનું મન છે તો તમે આ ફટાફટ બની જતી મસાલા ખીચડીને ટ્રાય કરી શકો છો. તે હેલ્થ માટે સારી રહે છે અને લાઈટ હોવાથી ડિનર માટે પરફેક્ટ રહે છે.
ડિનરમાં પ્લાન કરી લો આ લાઈટ ડિશ
મસાલા ખીચડી આપશે તમને મજા
ઝટપટ બનશે અને આપશે અલગ ટેસ્ટ
આપણે વાત કરીએ છીએ ખીચડીની. દરેક ઘરમાં તે બનતી હોય છે પણ જો આ રીતે બનાવશો તો તમને સરળતા રહેશે. જાણો કઈ રીતે ખીચડીને હેલ્ધી અને સ્વાદિષ્ટ બનાવી શકાય છે. તો જાણો સરળ સ્ટેપ્સને વિશે અને તેનો સ્વાદ પણ તમને આનંદ આપશે. ખીચડી એક હેલ્ધી અને સારી ડિશ છે, તે સ્વાદિષ્ટ હોય છે. તેમાં અનેક મસાલા સામેલ થાય છે. ખીચડીમાં અલગ અલગ મસાલા અને સામગ્રી મળીને તેને તીખી અને સ્વાદિષ્ટ બનાવી શકાય છે. ઘરે જ આ ખાસ ખીચડી બનાવીને તેની મજા માણી શકાય છે.
સામગ્રી
એક ટેબલ સ્પૂન ઘી
એક તમાલપત્ર
એક તજનો ટુકડો
એક લવિંગ
એક ચપટી હિંગ
1 કાપેલું મરચું
લસણ અને આદુની પેસ્ટ
1 મીડિયમ આકારની ડુંગળી બારીક સુધારેલી
1 સુધારેલું ટામેટું
3-4 ટી સ્પૂન લીલા વટાણા
1 ગાજરને બારીક સુધારેલું
1 શિમલા મરચું બારીક સુધારેલું
નાની ચમચી હળદર
નાની ચમચી લાલ મરચું
નાની ચમચી ગરમ સમાલા
મીઠું સ્વાદ અનુસાર
અડધો કપ ચોખા
અડધો કપ મગની દાળ
3 કપ પાણી
રીત
સૌ પહેલા કૂકર લો અને તેમાં એક ટેબલ સ્પૂન ઘી નાંખો. આ પછી તેમાં એક તમાલપત્ર નાંખો. હવે એક તજનો ટુકડો, એક લવિંગ અને એક ચપટી હિંગ અને 1 કાપેલું મરચું નાંખો અને હવે લસણ અને આદુની પેસ્ટ પણ નાંખો. આ પછી કૂકરમાં 1 મીડિયમ આકારની ડુંગળી બારીક સુધારી લો. પછી 1 સુધારેલું ટામેટું, 3-4 ટી સ્પૂન લીલા વટાણા, 1 ગાજરને બારીક કાપો અને 1 શિમલા મરચું સુધારી લો. મીડિયમ ગેસ પર થોડું શેકી લો. હવે મસાલાને કૂકરમાં નાંખો. તેમાં નાની ચમચી હળદર, નાની ચમચી લાલ મરચું, નાની ચમચી ગરમ સમાલા અને મીઠું સ્વાદ અનુસાર નાંખો. હવે અડધો કપ ચોખા અને અડધો કપ મગની દાળ અને 3 કપ પાણી નાંખો. મીડિયમ ગેસ રાખીને 4-5 વ્હીસલ લઈ લો. ગરમાગરમ ખીચડીને ઘી નાંખીને સર્વ કરો.