Tricks / ફ્રિજમાં કોથમીર રાખતા પહેલા અપનાવો આ ટ્રિક્સ, લાંબા સમય સુધી રહેશે ફ્રેશ

શાકભાજીમાં થોડા કોથમીરના પત્તા ઉમેરવાથી તેના સ્વાદમાં વધારો થઈ જાય છે. એટલે જ જ્યારે માર્કેટમાં શાકભાજી ખરીદવા જઈએ છીએ ત્યારે કોથમીર લેવાનું ભૂલવામાં નથી આવતું. પરંતુ અમુક વખત તે ફ્રિજમાં પણ બગડી જાય છે. જેથી અમે તમને આજે એવી ટ્રિક જણાવીશું જેનાથી કોથમીર જલ્દી નહીં બગડે.

• કોથમીરના પાન ધોઈ લો

જ્યારે પણ તમે માર્કેટમાથી કોથમીર લાવો ત્યારે તેને સારી રીતે ધોઈ નાખો કારણ કે તેમાં રેતી અને માટી હોઈ શકે છે. ઘણી વખત તેના કારણે કોથમીર બગડી જાય છે. જેથી કોથમીરને સારી રીતે ધોઈ લો અને તેમાંથી ગંદકી દૂર કરો. બાદમાં તેના પાંદડાને સારી રીતે સૂકવી લો.

• કોથમીરને એરટાઈટ કંટેનરમાં રાખો

કોથમીરમાંથી પાણી કાઢીને તેને સુકવી લીધા બાદ તેને એરટાઈટ કંટેનરમાં રાખો. બાદમાં તમે ઇચ્છો તો તેને ફ્રિજમાં પણ રાખી શકો છો અથવા શિયાળામાં બહાર પણ રાખી શકો છો. હવે આમ કરવાથી કોથમીર લાંબા સમય સુધી નહીં બગડે. રેફ્રિજરેટરમાં તાપમાન ખૂબ જ ઠંડુ હોવાથી પેકેટમાં રાખેલા કોથમીરના પત્તા બગડવા અને સડવા લાગે છે.

વધુ વાંચો : વૃદ્ધાવસ્થા સુધી નહીં ઘટે આંખોની રોશની, જો શિયાળામાં રોજ ખાશો આ 5 શાકભાજી, નજર બનશે તેજ

• તમે બીજા કેટલાક ઉપાય પણ કરી શકો છો

1. કોથમીરના પત્તાને નાના ટુકડામાં કાપો, તેનાથી તે ઝડપથી બગડતા નથી.
2. કોથમીરને રેફ્રિજરેટરના સૌથી ઠંડા ભાગમાં રાખવાથી તે ઝડપથી બગડતા અટકે છે. પણ ધ્યાનમાં રાખો કે તેને એરટાઈટ કંટેનરમાં બંધ રાખવું.
3. કોથમીરના પત્તા નિયમિતપણે ધોવાથી તે ઝડપથી બગડતા અટકે છે. ધોયા બાદ
   એરટાઈટ કંટેનરમાં રાખવાથી કોથમીરનું આયુષ્ય વધે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ