કામની વાત / લસણને ફોલતા પહેલા ભૂલ્યા વિના કરી લો આ 1 કામ, ફટાફટ ફોલાઈ જશે અને ગૃહિણીઓનો સમય પણ બચશે

• લસણ ફોલવા માટે કરો આ કામ
• કામની છે આ ટિપ્સ
• તમે પણ કરી લો ટ્રાય

જ્યારે પણ તમારે વધારે પ્રમાણમાં લસણ ફોલવાનું હોય અને તમને કંટાળો આવી રહ્યો હોય કે પછી તમારું લસણ નવું હોવાના કારણે ચીકણું હોય છે તો તમે તેને માટે કેટલીક મુશ્કેલીઓ અનુભવો છો. આ લસણને ફોલતાની સાથે તમારા હાથ પણ ચીકણા થઈ જાય છે. આજે અમે તમને આ સમસ્યાથી છૂટકારો અપાવવા માટે ખાસ ટિપ્સ લઈને આવ્યા છીએ. જેનાથી તમે જલ્દી અને ઘણું બધુ લસણ ફોલી શકો છો. આ કામમાં તમને કંટાળો પણ આવશે નહીં. તો ટ્રાય કરો આ ખાસ ગણાતી ટ્રિક્સને. 

લસણને ફટાફટ ફોલવા માટે આ છે કામની ટિપ્સ

• સૌ પહેલા તો તમારે જેટલું લસણ ફોલવું છે તેને એક કઢાઈમાં લો. હવે ગેસ ચાલુ કરીને આ લસણને થોડું શેકી લો.
• હવે તે થોડું શેકાઈ જાય એટલે ગેસ બંધ કરી લો અને તેને ઠંડું થવા દો. તે ઠંડુ થશે ત્યારે તેના છોતરા સરળતાથી ઉતારી શકાશે. 
• આ સિવાય તમે લસણને 10 મિનિટ માટે પાણીમાં પલાળીને પણ રાખી શકો છો. આ પછી તેના છોતરા ફટાફટ ઉતરી જશે. 
• લસણના છોતરા હટાવવા માટે કોઈ વાસણમાં 5-10 મિનિટ માટે તેને ઢાંકીને રાખો અને પછી આ વાસણને જોર જોરથી હલાવો. લસણ ઝડપથી ફોલાઈ જશે. 

• લસણને ક્રશ કરીને પણ સરળતાથી ફોલી શકાય છે. તેના માટે તમે વેલણની મદદ લઈ શકો છો. વેલણની મદદથી લસણને થોડું દબાવી લો અને પછી તેને ફોલવાની કોશિશ કરો. તમારું કામ ઝડપથી થઈ જશે. 
• લસણને ગરમ કરીને તેને ફોલવામાં સરળતા રહે છે. આ માટે તમે માઈક્રોવેવની મદદ પણ લઈ શકો છો. માઈક્રોવેવમાં 30 સેકંડ માટે તેને રાખ્યા બાદ તેને ફોલી લો. તમારું કામ સરળ બની જશે.