ટિપ્સ / આ સરળ રીતથી PFની રકમ સીધી બેંકમાં કરો ટ્રાન્સફર

વાસ્તવમાં ભવિષ્ય નિધિ અથવા PFને કર્મચારી ભવિષ્ય નિધિ અને વિવિધ જોગવાઈ નિયમન 1952માં કવર કરવામાં આવે છે. એવામાં PF માટે વેતનનો કેટલોક ભાગ પણ કપાય છે અને બાકીનો એટલો જ ભાગ કંપનીની તરફથી પણ જમા કરાવવામાં આવે છે. કર્મચારીઓને તેમને એક PF નંબર મળે છે, જે બીજી કંપનીમાં જતા બદલાઇ જાય છે. તો PF નંબરની જેમ બીજો UAN નંબર પણ તમામ કર્મચારીને મળે છે.

UAN નંબરની મદદથી કર્મચારી પોતાના PF એકાઉન્ટનું બેલેન્સ ચેક, પાસબુક અને UAN કાર્ડ ડાઉનલોડ કરવા જેવા કામ કરી શકે છે. આ 12 અંકોનો UAN  નંબર કંપની બદલવા પર એક જ રહે છે જે બદલાતો નથી. તમને જણાવી દઇએ કે, આ નંબરની મદદથી તમે PFની રકમ સીધી બેંક એકાઉન્ટમાં ટ્રાન્સફર કરી શકો છો. આ માટે તમારે યૂનિફાઇડ મેમ્બર પોર્ટલ પર જવાનું રહેશે. આ માટે ફોર્મ 19, ફોર્મ 10C અને ફોર્મ 31 જેવા ફોર્મ્સની જગ્યાએ માત્ર એક સિંગલ પેજ ક્લેમ જ જરૂરી છે. જો તમે PFની રકમને બેંક એકાઉન્ટમાં ટ્રાન્સફર કરવા માંગો છો તો આ સ્ટેપ્સ ફૉલો કરો.

આ છે જરૂરી:

- તમારા પાસે એક્ટિવ UAN નંબર અને EPFO વેબસાઇટ પર  એકાઉન્ટ હોવું જોઇએ.

- નક્કી કરી લો તમારી વેબસાઇટ્સ પર તમામ ડિટેલ્સ વેરિફાઇ કરી લો.

- બેંક ડિટેલ્સ, PAN અને આધારથી જોડાયેલી જાણકારી વેબસાઇટ પર હોવી જોઇએ.

સ્ટેપ્સ:

- સૌથી પહેલા યૂનિફાઇડ મેમ્બર પોર્ટલની વેબસાઇટ ( https://unifiedportal-mem.epfindia.gov.in/memberinterface/)  પર જાઓ.

- અહીંય UAN નંબર અને પાસવર્ડની મદદથી લોગઇન કરો. જો તમારી પાસે UAN નંબર નથી તો ઇમ્પોર્ટ લિંક સેક્શનમાં જઇને 'Activate UAN'  પર ક્લિક કરો. અહીંયા તમારે PAN નંબર, તમારુ નામ અને બાકીની ડિટેલ્સ સબમિત કરવી પડશે અને 24 કલાકમાં તમારો UAN નંબર એક્ટિવ થઇ જશે.

- એક વખત લોગઇન થયા પછી પેજ પર યૂઝરની તમામ માહિતી દેખાશે.

- અહીંયા ટૉપ મેન્યૂ બારમાં ઑનલાઇન સર્વિસ ઑપ્શન પર ક્લિક કરો અને પછી ક્લેમ (ફોર્મ 31, 19 અને 10c) પસંદ કરો.

- હવે બેંક એકાઉન્ટની છેલ્લી ચાર ડિજિટ નાખ્યા પછી વેરિફાઇ બટન પર ક્લિક કરો. 

- અહીંયા તમારે સ્ક્રૉલ ડાઉન કરી પ્રોસીડ ફોર ઑનલાઇન ક્લેમમાં જઇને ક્લિક કરવાનું રહેશે.

- આગામી ફોર્મ પર સ્ક્રૉલ ડાઉન કરો અને લિસ્ટથી ઑનલી PF વિડ્રોઅલ ફોર્મ સિલેક્ટ કરો.

- હવે આધાર OTP મદદથી વેરિફિકેશન કરીને રિકવેસ્ટ રજિસ્ટર કરો.

- યૂઝર્સ પોતાના ક્લેમનું સ્ટેટસ ઑનલાઇન સર્વિસ સેક્શનમાં ચેક ક્લેમ સ્ટેટસ પર ક્લિક કરીને જોઇ શકે છે.

( જો તમારા સંસ્થાનું PF ફંડ કોઇ ટ્રસ્ટ મેનેજ કરે છે, તો કર્મચારી તરીકે તમે કોઇ ફોર્મ સબ્મિટ નહી કરી શકો)