ટીપ્સ / લાંબુ જીવન જીવવા ફોલો કરો આ આદતો

વૈજ્ઞાનિક રીતે જોવા જઈએ તો જિનેટિક અને ઉંમરનો સંબંધ ખૂબ જ ઓછા સમય સુધીનો હોય છે. ઉંમર સંપૂર્ણ રીતે લાઈફસ્ટાઈલ, ખાણીપીણી અને પર્યાવરણ પર આધારિત હોય છે. લો-કેલરીયુક્ત ભોજન કરવાથી અનેક બીમારીઓ સામે રક્ષણ મળે છે. અહીંયા કેટલીક ટિપ્સ આપવામાં આવી છે, જેની મદદથી તમે લાંબુ જીવન જીવી શકો છો.

ભરપૂર ઊંઘ

સામાન્ય માણસે રાત્રે સાતથી આઠ કલાકની ઊંઘ લેવી જરૂરી છે. આ કારણસર ઊંઘવાનો અને ઊઠવાનો સમય નક્કી કરી લો અને તે ટાઈમટેબલને અનુસરો.

લો-કેલરી ડાયટ

ભોજનમાંથી કેલરી કટ કરવી જરૂરી છે. જો તમે વર્કઆઉટ કરીને કેલરી બર્ન કરી રહ્યા છો અથવા ઓછી કેલરીયુક્ત ભોજન કરો છો, તો તમે અધિક ઉંમર સ્વસ્થ રહી શકો છો અને લાંબું જીવન જીવી શકો છો.

કેફીન અને દારૂનું સેવન ન કરવું

લાંબુ જીવન જીવવા માટે તમારે કેફીન અને દારૂથી દૂર રહેવું જોઈએ. ચા અને કોફીમાં નિકોટિન તથા કેફીન જેવા પદાર્થ રહેલા હોય છે. દારૂના વધુ પડતા સેવનથી કિડની પર અસર થઈ શકે છે અને તમે બીમાર પડી શકો છો.

એક્ટિવ રહો

હંમેશાં એક્ટિવ રહો. શારીરિક રીતે એક્ટિવ રહો, તો શરીરનાં તમામ અંગ સ્વસ્થ અને મજબૂત રહેશે. જેનાથી તમને યોગ્ય ઊંઘ આવશે અને સ્ટ્રેસ ફ્રી પણ રહેશો.

તણાવ ન અનુભવો

દરેક વ્યક્તિના જીવનમાં સ્ટ્રેસ હોય છે. આ પ્રકારની પરિસ્થિતિને મેનેજ કરતા શીખો અને સ્ટ્રેસ ફ્રી રહો. લાંબું જીવન જીવવા માટે સ્ટ્રેસ ફ્રી રહેવું જરૂરી છે.

હંમેશાં ખુશ રહો

દરેક વ્યક્તિએ શારીરિક રીતે સ્વસ્થ હોવાની સાથે સાથે માનસિક રીતે પણ સ્વસ્થ હોવું જરૂરી છે. આ કારણોસર હંમેશાં ખુશ રહો. સોશિયલી એક્ટિવ રહો અને મિત્રો સાથે વાતચીત કરતા રહો.