Car ચલાવતી વખતે ક્લચને વધુ સમય સુધી ન દબાવી રાખો, જાણો બીજી કઈ વાતોનું રાખશો ધ્યાન
કાર ચલાવતી વખતે ન કરો આ ભૂલો
કારની માઈલેજ થઈ જશે ઓછી
માઈલેજ વધારવા અપનાવો આ ટિપ્સ
પેટ્રોલ-ડીઝલની કિંમતો દરેક વ્યક્તિ માટે હાલ મુશ્કેલી બની ગઈ છે. એવામાં લોકો હવે લોકો CNG અથવા તો ઈલેક્ટ્રિક ગાડીઓ ખરીદવાનું પસંદ કરી રહ્યા છે. એવામાં જો તમે પણ ગાડીની માઈલેજને લઈને ચિંતામાં છો તો અમુક સરળ રીતો અપનાવીને તમે પોતાના કાર અથવા બાઈકની માઈલેજને વધારી શકો છો. આવો જાણીએ તેની સરળ રીતો.
ગાડીની કેર છે જરૂરી
ગાડીની નિયમિત કેર અને ટાઈમ પર સર્વિસ કરવાથી માઈલેજ પર સારી અસર પડે છે. ગાડીના એન્જિન અને ગિયરબોક્સને લુબ્રિકેશનની જરૂર હોય છે. જો તમે એવું નથી કરતા તો તેને કારણે તમારી ગાડીની માઈલેજ પર અસર પડી શકે છે.
ટાપર પ્રેશરનું રાખો ધ્યાન
ગાડી ચલાવતી વખતે તમારે ધ્યાન રાખવું જોઈએ કે ટાયર પર વધારે પ્રેશન ન પડે. જો તમારી ગાડીમાં વધારે લોડ કે વધારે વજન વાળી વસ્તુ કેરી રહી છે તો આવી સ્થિતિમાં વ્હીકલ હેન્ડબુક (Vehicle Handbook)ને જરૂર વાંચો અને તેમાં લખ્યા અનુસાર ટાયર પ્રેશરમાં સુધાર કરો.
'Save Fuel'ને અપનાવો
ગાડીઓના માઈલેજને જો તમારે બચાવવું છે તો ગાડીને ઉભી રાખતી વખતે એન્જિન ઓફ કરી દો. જો તમે ટ્રાફિકમાં ફસાયેલા છે અને જો 10 સેકેન્ડથી વધારે સમય લાગી રહ્યો છે તો ગાડીના ઈગ્નિશન (Ignition) ને બંધ કરી દો, મોટાભાગે લોકો એવી ગેરસમજમાં હોય છે બંધ કર્યા બાદ વધારે ફ્યુલ ખર્ચ થાય છે. એક્સપર્ટ્સ પણ આ વાતને કહે છે કે રેડ સિગ્નલ પર ઉભા હોવ તેની સ્થિતિમાં ગાડીનું એન્જિન બંધ કરી દો.
ક્લચનો વધુ ઉપયોગ ન કરો
ગાડી ચલાવતી વખતે ક્લચનો ઉપયોગ ત્યારે જ કરો જ્યારે જરૂરી હોય. ક્લચનો વધારે ઉપયોગ ફ્યુલ વધુ ખર્ચ કરે છે અને વધુ સમય સુધી ગાડી કલ્ચ પર ચલાવવાથી ક્લચ પ્લેટમાં પણ ખરાબી આવે છે.