Car Tips / શિયાળામાં ફોલો કરી લો આ કાર મેન્ટેનન્સની ખાસ ટિપ્સ, રહેશો સેફ

• શિયાળામાં મેન્ટેન કરો તમારી કાર
• કામની છે આ ખાસ મેન્ટેનન્સની ટિપ્સ
• જાતે જ આ બાબતોને કરી લો ચેક

 
શિયાળાની સીઝનમાં કારનું મેન્ટેનન્સ ખાસ જરૂરી છે. આ સીઝનમાં તાપમાન ઘટવાથી બેટરી, ટાયર અને એન્જિન ઓઈલને નુકસાન થઈ શકે છે. શિયાળામાં  ભેજના કારણે બેટરી ડિસ્ચાર્જ થઈ શકે છે. એન્જિન ઓઈલ જામી જશે તો લાંબા રૂટમાં તમને મુશ્કેલી આવી શકે છે. આ કારણે શિયાળાની સીઝનમાં કેટલીક ટિપ્સને જાણી લેવી તમારા માટે જરૂરી બને છે. તેનાથી કાર મેન્ટેન રહે છે અને તમે મુશ્કેલીથી બચી શકો છો. 

શિયાળામાં કાર કવર યૂઝ કરો
જો તમે રાતે કારને ખુલ્લામાં પાર્ક કરો છો તો તમે કાર કવરનો ઉપયોગ કરો. તેનાથી કારનું બોડી અને કારનું એન્જિન સુરક્ષિત રહેશે. 

સમયસર એન્જિન ઓઈલને બદલો
શિયાળામાં એેન્જિન ઓઈલ જામી જવું સામાન્ય સમસ્યા છે. એવામાં કારને સ્ટાર્ટ કરવામાં મુશ્કેલી આવી શકે છે. આ માટે શિયાળો શરૂ થતાં પહેલાં કારની સર્વિસ કરાવીને એન્જિન ઓઈલને બદલાવી લેવું જોઈએ.

કારની બેટરી ચેક કરતા રહો
જો તમે શિયાળામાં કારને વધારે યૂઝ નથી કરતા તો શક્ય છે તમારી બેટરી ડિસ્ચાર્જ થઈ જાય. આ માટે તમે શિયાળાની સીઝનમાં તમારી કારને સમય સમયે થોડી ચલાવો. જો બેટરી જૂની થઈ ગઈ હોય તો તેને બદલાવી લેવી, જેથી કાર સ્ટાર્ટ કરવામાં મુશ્કેલીનો સામનો ન કરવો પડે.
 
Fog Lampનો કરો ઉપયોગ
શિયાળામાં સડક પર ફોગ એટલે કે ધુમ્મસ હોવું એ સામાન્ય છે. આ માટે તમે જ્યારે પણ શિયાળાની સીઝનમાં ટ્રાવેલ કરો છો તો ફોગ લેમ્પનો યૂઝ કરો. તેનાથી તમારી વિઝિબિલિટી વધશે.  
 

ટાયરને ચેક કરતા રહો
શિયાળામાં કારના ટાયર ખરાબ થવાની સમસ્યા રહે છે. જો તમારી કારના ટાયર જૂના થયા છે તો તમે તેને બદલાવી લો તે જરૂરી છે. તમારે સમયાંતર કારના ટાયરને ચેક કરવા. નહીં તો ટ્રાવેલિંગમાં સમસ્યા આવી શકે છે. 

ફ્યૂઅલ ઈંજેક્ટરને કરો ક્લીન
શિયાળામાં ફ્યૂઅલ ઈંજેક્ટરમાં પાણી જામી જવાની શક્યતા બની રહે છે. આ માટે તમે સમયાંતરે પોતાની કારના ફ્યૂઅલ ઈંજેક્ટરને સાફ કરતા રહો તે પણ જરૂરી છે.