જમ્મુ કાશ્મીરના નેતાઓ સાથે પ્રધાનમંત્રી મોદીની હાઈ પ્રોફાઈલ બેઠક પૂરી થઈ છે. પીએમ મોદીએ 8 પક્ષોના 14 નેતાઓ સાથે સાડા ત્રણ કલાક બેઠક કરી.
પીએમ મોદી અને કાશ્મીરી નેતાઓ વચ્ચે થઈ સાડા ત્રણ કલાકની બેઠક
બેઠકમાં જમ્મુ કાશ્મીરના વિકાસ અને લોકશાહી પર વિશેષ ભાર
જમ્મુ કાશ્મીરમાં વિકાસ અને લોકશાહીનો ઉદય થયો-કેન્દ્ર સરકાર
બેઠકમાં પ્રધાનમંત્રી મોદીએ જમ્મુ કાશ્મીરના વિકાસ અને લોકશાહી પર વિશેષ ભાર મૂક્યો. પ્રધાનમંત્રી મોદીએ કાશ્મીરી નેતાઓેને કહ્યું કે જ્યારથી જમ્મુ કાશ્મીર કેન્દ્ર સરકારના શાસન હેઠળ આવ્યું છે ત્યારથી રાજ્યમાં વિકાસ તથા લોકશાહીનો ઉદય થયો છે.
સરકાર જમ્મુ કાશ્મીરના વિકાસ માટે કટિબદ્ધ-અમિત શાહ
બેઠક પૂરી થયા બાદ ગૃહમંત્રી અમિત શાહે જણાવ્યું કે તમામ નેતાઓને જમ્મુ કાશ્મીરના વિકાસ કાર્યક્રમોની જાણકારી આપવામાં આવી. તેમણે કહ્યું કે સરકાર જમ્મુ કાશ્મીરના વિકાસ માટે કટિબદ્ધ છે.
ગુલામ નબી આઝાદે કરી 5 મોટી માંગ
બેઠકમાં ગુલામ નબી આઝાદે કહ્યું કે અમે કોંગ્રેસ તરફથી સરકારની સામે 5 મોટી માંગ રાખી છે. કેન્દ્ર સરકાર જલદીથી જલદી જમ્મુ કાશ્મીરને પૂર્ણ રાજ્યનો દરજ્જો આપે તેવી અમારી પહેલી માંગ છે.
પ્રધાનમંત્રીએ હાથ જોડીને બધાનું ઉમળકાભેર સ્વાગત કર્યું
નવી દિલ્હી સ્થિત પ્રધાનમંત્રી આવાસમાં આ બેઠકમાં ફારુક અબ્દુલા, મહેબૂબા મુફતી, ઉમર અબ્દુલા, ગુલામ નબી આઝાદ, રવિન્દ્ર રૈના, કવિન્દ્ર ગુપ્તા, નિર્મલ સિંહ સજ્જાદ લોન, ભીમસિંહ સહિતના ઘણા નેતાઓ હાજર રહ્યાં હતા.
Prime Minister Narendra Modi holds meeting with Jammu and Kashmir leaders in Delhi pic.twitter.com/Mga0TmnORz
આ દરમિયાન જમ્મુ કાશ્મીરના નેતાઓ સાથે પીએમ મોદીની તસવીરો સામે આવી છે. તસવીરોમાં અમિત શાહ, ગુલામ નબી આઝાદ, મહેબૂબા મુફતી, ફારુક અબ્દુલા તમામ તમામ નેતાઓ હાજર છે. પીએમે તમામ નેતાઓનું હાથ જોડીને સ્વાગત કર્યું હતું.