નિવેદન / શું ફરી રાહત પેકેજ જાહેર કરાશે? નાણામંત્રી નિર્મલા સીતારમણે કહ્યું, દરવાજા બંધ નથી

• ઇકોનોમીને બુસ્ટ આપવા માટે કેન્દ્ર સરકારે 21 લાખ કરોડના વિશેષ આર્થિક પેકેજનું એલાન કર્યું છે
• મોટા આર્થિક પેકેજની જાહેરાત છતા ઉદ્યોગ જગતમાં કોઇ ઉત્સાહનો માહોલ નથી

આ દરમિયાન નાણા મંત્રી નિર્મલા સીતારમણે આગળ પણ રાહત આપવાના સંકેત આપ્યા છે. નિર્મલા સીતારમણે ભાજપ નેતા નલિન કોહલીની સાથે સંવાદમાં કહ્યું કે આર્થિક વૃદ્ધિ દરની વાસ્તવિક આકારણી કરવી હાલ સંભવ નથી. હાલ એ બતાવવું મુશ્કેલ છે કે આ મહામારી ક્યારે શાંત થાય છે. 

Watch Smt @nsitharaman in conversation with Shri @NalinSKohli on steps being taken by the Ministry of Finance and Corporate Affairs to combat the COVID-19 crisis. #IndiaFightsCorona https://t.co/94EmvBux3G

— BJP (@BJP4India) May 23, 2020

દરવાજા ક્યારેય બંધ નથી કર્યા

નાણામંત્રીએ કહ્યું કે મેં દરવાજા ક્યારેય બંધ નથી કર્યા. હું ઉદ્યોગો પાસેથી જાણકારી લેવાનું ચાલુ રાખીશ, અમે જે જાહેરાત કરી છે તેના પર અમલ કરવામાં આવશે. આગળ સ્થિતિ શું રહે છે તેના હિસાબે અમારે પગલા ઉઠાવવા પડશે. વર્તમાન નાણાકીય વર્ષના હજુ બે મહીના થયા છે અને 10 મહીના બાકી છે. નિર્મલા સીતારમણે આ વાત એવા સમયે કહી છે, જ્યારે આર્થિક પેકેજને લઇને સરકારની ચારેય તરફ ટીકાઓ થઇ રહી છે. જ્યારે ભારતીય રિઝર્વ બેન્કે પહેલીવાર માન્યું છે કે આ વર્ષે દેશની જીડીપી ગ્રોથ નેગેટિવ જશે. 

21 લાખ કરોડના પેકેજ પર શું બોલ્યા

નિર્મલા સીતારમણે કહ્યું કે આ પેકેજ અર્થશાસ્ત્રીઓ, પૂર્વ બેન્કરો, નાણા મંત્રાલયના પૂર્વ અધિકારીઓ અને ઉદ્યોગ ક્ષેત્રની સાથે વિચાર-વિમર્શ કર્યા બાદ તૈયાર કરવામાં આવ્યું છે. તેઓએ કહ્યું કે પેકેજને એ ધ્યાનમાં રાખીને 'ડિજાઇન' કરવામાં આવ્યું કે આ સમયે આપણે એક અસાધારણ સ્થિતિનો સામનો કરી રહ્યા છીએ. હાલ આપણે આ ધ્યાનમાં રાખવું પડશે. અર્થવ્યવસ્થામાં ઘટાડો પૂર્ણ રીતે થશે. તેને ધ્યાનમાં રાખીને અર્થવ્યવસ્થાને પ્રોત્સાહન આપવું પડશે.