જંગલમાં પ્રાણીઓને નિહાળવા કમાલનો અનુભવ બની રહેતો હોય છે. પરંતુ તેમાં સૌથી મજાનું દ્રશ્ય તો કોઈ પ્રાણીને શિકારીની પકડમાંથી છટકીને પોતાની શક્તિનો પરિચય આપતા જોવું છે. કેટલાક પ્રાણીઓ દોડવામાં તો કેટલાક થાપ આપવામાં માહેર હોય છે. શું તમે ક્યારેક ઉડતા હરણને જોયું છે. છલાંગ લગાવતું જોયું છે. હવે સોશિયલ મીડિયા પર આકાશી જંપ મારતા એક હરણનો વીડિયો વાયરલ થયો છે
— WildLense® Eco Foundation 🇮🇳 (@WildLense_India) January 15, 2022
મધ્યપ્રદેશના સિવનીના પેંચ નેશનલ પાર્કનો હરણ વીડિયો વાયરલ
વાયરલ ક્લિપમાં હરણ તળાવ તરફથી કાચા રસ્તા દોડતું જોઈ શકાય છે અને ત્યાર બાદ તે એક ઊંચી અને લાંબા છલાંગ લગાવે છે. આ અદ્દભત દ્રશ્ય ત્યાં હાજર રહેલા કોઈ પ્રવાસીએ કેમેરામાં ઝડપી લીધું. આ નજારાને સ્લો મોશનમાં જોવાથી એવું લાગે કે હરણ હવામાં તરી રહ્યું છે. તમે હરણને એક મોટી છલાંગ લગાવીને રસ્તાની બીજી બાજુ જતા જોઈ શકો છો અને ત્યાંથી પછી ગાયબ થઈ જાય છે. બની શકે કે લોકોની હાજરી જોઈને હરણ ગભરાઈ ગયું હોય અને પોતાને બચાવવા તેણે અકલ્પનીય છલાંગ લગાવી દીધી હોય.
વીડિયો જોઈને લોકો બોલ્યાં- હરણ તો ઊડી રહ્યું છે
આ વીડિયો વાયરલ થયા બાદ લોકો અવાક બન્યા હતા. એક યૂઝરે કહ્યું કે આ હરણ તો રીતસરનું ઊડી રહ્યું છે. આ વીડિયો મધ્યપ્રદેશના સિવનીના પેંચ નેશનલ પાર્ક હોવાનું કહેવાય છે. આ વીડિયો ટ્વિટર હેન્ડલ @WildLense_India દ્વારા 15 જાન્યુઆરીએ શેર કરવામાં આવ્યો હતો. તેણે કેપ્શનમાં લખ્યું-…અને ઉંચી અને લાંબી કૂદનો ગોલ્ડ મેડલ જાય છે…. આ સમાચાર લખ્યા ત્યાં સુધી આ ક્લિપને 71 હજારથી વધુ વ્યૂઝ, 5 હજારથી વધુ લાઈક્સ અને સેંકડો કોમેન્ટ્સ મળી ચૂકી છે. આની સાથે જ તેને અલગ-અલગ સોશિયલ મીડિયા પ્લેટફોર્મ પર પણ ઘણી શેર કરવામાં આવી રહી છે.