યુરોપ અને અમેરિકા વચ્ચે દિવસેને દિવસે વધી રહેલા તણાવ દરમિયાન ફ્રાન્સના રાષ્ટ્રપતિ ઇમેન્યુઅલ મેક્રોએ તાજેતરમાં bastille day પરેડમાં યુરોપીય લશ્કરી સહયોગ દર્શાવવાનો પ્રયાસ કર્યો હતો. જર્મન ચાન્સેલર એન્જેલા મર્કેલ, નેધરલેન્ડના પ્રધાનમંત્રી માર્ક રુટાએ ચેમ્પ્સ ઇલસીસ પર મેક્રોઝ સાથે પરેડનું આયોજન કરેલ.
આ પરેડ દરમિયાન ફ્રાન્સના સાહસિક ફ્રેન્કી ઝપાટાએ તેની પાસે રહેલા આધુનિક ફ્લાયબોર્ડનું પ્રદર્શન લોકો સમક્ષ કર્યું હતું. ફ્રાન્સના ચીફ ઑફ સ્ટાફ જનરલ ફ્રાન્કોઇ લિકોન્ટ્રે સાથે એકખુલ્લી કારમાં પરેડનું નિરીક્ષણ કર્યું અને લોકોની સલામી જીલી હતી.
ઉલ્લેખનીય છે કે, bastille day ની આ પરેડમાં ફ્રાન્સના સાહસિક ફ્રેન્કી ઝપાટાને ફ્લાઇંગ પેડ પર આ રીતે ઉડતો જોઇને પરેડ જોવા આવેલા લોકો આશ્ચર્યચકિત થઇ ગયા હતા. જો કે, આ પરેડમાં હાજર તમામ લોકોએ આ સાહસિકના કાર્યને તાલીઓના ગડગડાટ સાથે વધાવી લીધું હતું.