વિકાસ / ચીનની નવી સિદ્ધિ : હવે ફ્લાઈંગ રોબોટ કરશે ગગનચુંબી ઈમારતોની ઝડપી સફાઈ

• રોબોટિક્સની દુનિયામાં આ એક નવો અધ્યાય 
• ફ્લાઈંગ રોબોટ કરશે ગગનચુંબી ઈમારતોની સફાઇ
• અત્યાધુનિક ટેક્નોલોજીથી સજ્જ છે રોબોટ 

આવી સ્થિતિમાં હાઈરાઈઝ બિલ્ડિંગના મોટા કદના કાચ સાફ કરવા એ જીવનું જોખમ પણ સાબિત થાય છે ત્યારે પાડોશી દેશ ચીને હવે આ માટે નવી શોધ કરી છે, જે આવનારા ભવિષ્યમાં બહુ અસરકારક સાબિત થશે.

ફ્લાઈંગ રોબોટ ચડી શકે છે દિવાલ પર

ચીનમાં સંશોધનકારોએ એક એવો ફ્લાઈંગ રોબોટ વિકસિત કર્યો છે, જે ફક્ત દિવાલો પર ચઢી શકે છે એટલું જ નહીં, પરંતુ તેના માર્ગમાં આવતા તમામ અવરોધોને પણ સરળતાથી દૂર કરી શકે છે. સંશોધનકારોનો દાવો છે કે, આ રોબોટ ઊંચી ઇમારતો પર લાગેલા કાચને કોઈપણ પ્રકારનું નુકસાન કર્યા વિના જ સાફ કરી શકે છે.

અત્યાધુનિક ટેક્નોલોજીથી સજ્જ છે રોબોટ 
 
ચાઈનીઝ એકેડેમી ઑફ સાયન્સિસની શેનયાંગ ઈન્સ્ટિટ્યૂટ ઑફ ઑટોમેશન (એસઆઈએ)ના સંશોધનકારોની ટીમે આ અંગે જણાવ્યું કે, આ એ માટે પણ બહુ પણ મહત્વનું છે કેમ કે આ રોબોટનું સંપૂર્ણ મિકેનિઝમ કોઈપણ બાહ્ય સેન્સર વિના જ નિયંત્રિત કરી શકાય છે. તે જાતે જ તમામ કાર્યો ખુબ સરળતાથી કરી શકે છે. નવો રોબોટ સલામતી અને કાર્યક્ષમતાની દ્રષ્ટિએ અત્યાધુનિક ટેક્નોલોજીથી સજ્જ છે.

 ગગનચુંબી ઇમારતોની બહારની દિવાલો અને કાચને સાફ કરી શકશે 

આ રોબોટના ડિઝાઇનર મેંગ જિયાંગડૉંગે કહ્યું કે, તેમાં સિંગલ ડિગ્રી ફ્રીડમ મનિપ્યુલેટર ક્યુબ ફ્રેમ એન્ડ ઇફેક્ટર તથા હેક્સ-રોટર યુએવી જેવી અત્યાધુનિક સિસ્ટમનો સમાવેશ કરવામાં આવ્યો છે. નજીકના ભવિષ્યમાં આપણે તેનો ઉપયોગ ગગનચુંબી ઇમારતોની બહારની દિવાલો અને કાચને સાફ કરવા માટે કરી શકીએ છીએ. તેની વિશેષતા એ છે કે, તેને અન્ય સિસ્ટમ સાથે પણ આસાનીથી કનેક્ટ કરી શકાય છે અને તેનો વ્યાપક સ્તરે ઉપયોગ કરી શકાય છે.

રોબોટિક્સની દુનિયામાં આ એક નવો અધ્યાય

ગત સપ્તાહે મકાઉમાં આયોજિત એક આંતરરાષ્ટ્રીય સંમેલન 'ઈન્ટેલિજન્ટ રોબોટ્સ એન્ડ સિસ્ટમ્સ 2019' માં સંશોધનકારોની ટીમે આ રોબોટનું પ્રદર્શન કર્યું હતું. મેંગે જણાવ્યું હતું કે, આ રોબોટ બનાવવામાં સૌથી મોટી સમસ્યા ઊંચે ઉડતી વખતે હવાના દબાણને કેવી રીતે કાબુમાં રાખવું તે હતી, પરંતુ અમારી ટીમ આખરે આ સમસ્યાને પહોંચી વળી અને રોબોટ તૈયાર કરવામાં સફળતા મેળવી. રોબોટિક્સની દુનિયામાં આ એક નવો અધ્યાય ગણાશે તેનો અમને વિશ્વાસ છે.