સોશિયલ મીડિયામાં વાયરલ થયેલો આ વીડિયો જોઇને તમે પણ કહેશો , કે આને તો ભગવાને બચાવ્યો
રુંવાટા ખડા કરી દેતો વીડિયો થયો વાયરલ
7000ફૂટ ઊંચાઇએ કરી રહ્યા હતા ચઢાણ
અચાનક જ પર્વત પરથી પથ્થરો ધસી આવ્યા
જ્યારે કોઈ પર્વતારોહી પર્વત સર કરવા નીકળે છે ત્યારે તે કેટલી મુશ્કેલીઓનો સામનો કરે છે તેનો અંદાજો તેજ લગાવી શકે છે. પર્વતારોહકે પણ પહાડ પર ચઢવુ સરળ હોતુ નથી. હાડ થીજવતી ઠંડી કે પરસેવેથી રેબઝેબ થઇને તમામ પડકારોનો સામનો કરીને આગળ વધતા રહેવુ પડે છે. જો સ્હેજ ચૂક થઇ તો તમારો જીવ ગયો સમજો. ત્યારે આવો જ એક વીડિયો સોશિયલ મીડિયામાં વાયરલ થયો છે જે જોઇને આપણે ચોંકી જઇએ.
માંડ બચ્યો જીવ
સોશિયલ મીડિયામાં એક વીડિયો વાયરલ થયો છે જેને ફ્લાઇંગ કિસ ઑફ ડેથ કહેવાઇ રહ્યો છે. અને છે પણ એવુ જ. વીડિયોમાં આપ જોઇ શકો છો કે પર્વત શિલા તૂટીને સીધી નીચે આવે છે અને એક યુવક સાથે ટકરાતા ટકરાતા માંડ બચી જાય છે. આ વીડિયો જોઇને ખરેખર રુવાંટા અધ્ધર થઇ જાય ત્યારે તે યુવકની હાલત તો કેવી થઇ હશે.
પાકિસ્તાનના સ્પેન્ટિકમાં કેટલાક પર્વતારોહકો પર્વત પર ચઢી રહ્યા હતા. જેની ઊંચાઇ 7 હજાર ફૂટ છે. તે સમયે થાક લાગતા તેઓ એક વિશાળ પથ્થર નીચે તંબુ બાંધીને આરામ કરી રહ્યા હતા તેવામાં અચાનક જ ઉપરથી પથ્થરો પડવા લાગ્યા. જો કે આ અંગે હાજર સૌ કોઇ અજાણ હતા. પરંતુ જેથી ખબર પડી અને તેવો ભાગવા ગયા તે દરમિયાન આ ઘટના બની. જો આ યુવક એક ડગલુ આગળ ચાલ્યો હોત તો તેનુ મોતુ નિશ્ચિત હતું,