દસૉલ્ટના CEOએ સમજાવ્યો રાફેલ ડીલનો કક્કો રાહુલને જવાબ- હું ખોટુ નથી બોલતો

નવી દિલ્હીઃ રાફેલ વિમાન ડીલ વિવાદ પર દેશમાં રસ્તાથી લઇ સંસદ અને સુપ્રીમ કોર્ટ સુધી ધમાલ મચી છે. કોંગ્રેસ અધ્યક્ષ રાહુલ ગાંધીની આગેવાનીમાં વિપક્ષ મોદી સરકાર પર આ ડીલમાં ભ્રષ્ટાચારનો આરોપ લગાવી રહ્યું છે.

ફ્રાંસની કંપની દસૉલ્ટ એવિએશનના સીઇઓ એરિક ટ્રેપિયરે એક ઇન્ટરવ્યૂમાં આ ડીલ પર ઉઠી રહેલા દરેક સવાલોના જવાબ આપ્યા હતા. તેમણે રાહુલ ગાંધી દ્વારા લગાવાયેલ તમામ આરોપોને ખોટા ગણાવ્યા.

રાહુલને જવાબ- હું ખોટુ નથી બોલતો
એરિક ટ્રેપિયરે કહ્યું કે કોંગ્રેસ અધ્યક્ષ રાહુલ ગાંધી દ્વારા જે પણ આરોપો લગાવાય રહ્યા છે તે સંપૂર્ણ નિરાધાર છે. તેમણે કહ્યું કે રાહુલ ગાંધી દસૉલ્ટ અને રિલાયન્સ વચ્ચે થયેલ જ્વાઇન્ટ વેન્ચર વિશે સદંતર ખોટુ બોલે છે. તેમણે કહ્યું કે ડીલ વિશે જે પણ જાણકારી આપવામાં આવી છે તે તમામ સાચી છે કારણ કે તે ખોટુ નથી બોલતા.
 

Have 7 years to perform our offset. During the first 3 years we are not obliged to say with who we are working. Already settled agreement with 30 companies which represents 40% of total offset obligation as per contract. Reliance is 10% out of the 40: Dassault CEO Eric Trappier pic.twitter.com/beWbr5GFBS

— ANI (@ANI) November 13 2018

શરૂઆતથી જ ભારત સાથે સંબંધ
એરિક ટ્રેપિયરે જણાવ્યું કે તેમની કંપની અને કોંગ્રેસનો સંબંધ ઘણો જૂનો છે તેમની પહેલી ડીલ 1953માં જવાહર લાલ નેહરૂના સમયે થઇ હતી. ભારતમાં અમારી ડીલ કોઇ પાર્ટી સાથે નહીં પરંતુ દેશ સાથે થઇ છે અમે સતત ભારત સરકારને ફાઇટર જેટ આપીએ છીએ.

પૈસા રિલાયન્સ નહીં જ્વાઇન્ટ વેન્ચરમાં લગાવ્યા
રાફેલ ડીલમાં રિલાયન્સની સાથે કરાર પર તેમણે કહ્યું કે અમે જે પૈસા ઇન્વેસ્ટ કર્યા છે તે રિલાયન્સ નહીં પરંતુ જ્વાઇન્ટ વેન્ચરમાં છે. તેમણે કહ્યું કે આ વેન્ચરમાં રિલાયન્સે પણ પૈસા લગાવ્યા છે અમારા એન્જિનીયર ઇન્ડસ્ટ્રીયલ પાર્ટને લીડ કરશે. જેનાથી રિલાયન્સને પણ એરક્રાફ્ટ બનાવવાનો એક્સપીરિયન્સ મળશે. ઉલ્લેખનીય છે કે કોંગ્રેસ અધ્યક્ષ રાહુલ ગાંધીએ આરોપ લગાવ્યા હતા કે દસૉલ્ટે રિલાયન્સને 284 કરોડ રૂપિયા મદદ માટે આપવામાં આવ્યા હતા.

ઓફસેટમાં કોનો-કેટલો ભાગ
તેમણે કહ્યું કે જ્વાઇન્ટ વેન્ચરમાં 49 ટકા ભાગ દસૉલ્ટ અને 51 ટકા ભાગ રિલાયન્સનો છે. જેમાં કુલ 800 કરોડ રૂપિયા ઇન્વેસ્ટ થશે જેમાં બન્ને કંપનિઓ 50-50ની ભાગીદારી હશે. દસૉલ્ટના સીઇઓએ કહ્યું કે ઓફસેટને રજૂ કરવા માટે અમારી પાસે 7 વર્ષ હતા જેમાં શરૂઆતના 3 વર્ષમાં અમે બાધ્ય ન હતા કે ઓફસેટના સાથીનું નામ જણાવીએ. ત્યાર બાદ 40 ટકા ભાગ 30 કંપનિઓને આપવામાં આવ્યા જેમાંથી 10 ટકા રિલાયન્સને આપવામાં આવ્યો.

રાફેલની કેટલી કિંમત?
રાફેલની કિંમત મુદ્દે મૌન તોડતા તેમણે કહ્યું કે જે અત્યારે એરક્રાફ્ટ મળી રહ્યા છે તે અંદાજિત 9 ટકા સસ્તા છે. તેમણે કહ્યું કે જે 36 વિમાનનો રેટ છે તે હાજર 18ના સમાન છે. આ ભાવ બેગણો હોઇ શકતો હતો પરંતુ આ કરાર સરકારથી સરકાર વચ્ચેનો છે એટલા માટે ભાવ વધ્યા નહીં. પરંતુ ભાવ 9 ટકા સસ્તા પણ થયા. સીઇઓએ જણાવ્યું કે ઉડવા માટે તૈયાર સ્થિતિમાં 36 કૉન્ટ્રાક્ટ વાળા રાફેલનો ભાવ 126 કૉન્ટ્રાક્ટ વાળા ભાવથી ઘણો સસ્તો છે.

HALથી શું થયો કરાર?
HAL સાથે કરાર તૂટવા પર તેમણે કહ્યું કે જ્યારે 126 રાફેલ વિમાનના કરારની વાત ચાલી રહી હતી ત્યારે HAL સાથે કરારની વાત હતી. પરંતુ ડીલ યોગ્ય રીતે આગળ વધત તો કરાર HALને મળત. પરંતુ 126 વિમાનનો કરાર યોગ્ય ન થયો એટલા માટે 36 વિમાનના કોન્ટ્રાક્ટ પર વાત થઇ. જ્યાર બાદ આ કરાર રિલાયન્સની સાથે આગળ વધ્યો.

તેમણે જણાવ્યું કે છેલ્લા દિવસોમાં HALએ ખુદ કહ્યું હતું કે તેઓ આ ઓફસેટમાં સામેલ થવા માટે ઇચ્છુક નથી. ત્યારબાદ રિલાયન્સ સાથે કરારનો રસ્તો સંપૂર્ણ સ્પષ્ટ થઇ ગયો. એરિકે કહ્યું કે આ દરમિયાન તેઓ અન્ય કંપનીઓ સાથે કરાર વિશે પણ વિચારી રહ્યા હતા જેમાં ટાટા ગ્રુપ જેવા નામ સામેલ હતા. પરંતુ તે સમયે અમે નિર્ણય ન લઇ શક્યા બાદમાં રિલાયન્સ સાથે જવાનું નક્કી થયું.

શું હથિયારોથી સજ્જ હશે વિમાન?
જ્યારે તેમને પૂછવામાં આવ્યું કે આ વિમાનની સાથે હથિયાર પણ આવશે તો તેમણે સ્પષ્ટ કર્યું કે આ વિમાન તમામ ઉપકરણોથી સજ્જ હશે. પરંતુ આમાં કોઇ હથિયાર નહીં હોય. હથિયારને નવા અન્ય કોન્ટ્રાક્ટ માટે મોકલવામાં આવશે.