અમેરિકા / ફ્લોરિડામાં ત્રાટક્યું ડોરિયન વાવાઝોડું, 100 કિમીની ઝડપે ફૂંકાયો પવન

બ્રિટિશ આઈલેન્ડમાં વીજળી ગુલ થઈ ગઈ છે. મોટાભાગના રહેણાંક મકાનોને ભારે નુકસાન થયું છે. વર્જિન આઈલેન્ડમાંથી પસાર થયા બાદ વાવાઝોડું ફ્લોરિડાના દરિયા કિનારાઓ પર ત્રાટક્યું છે. તો પ્યૂર્ટો રિકોમાં રહેણાંક વિસ્તારોમાં ભારે નુકસાન થયું છે.
 

દરિયા કાંઠાના કેટલાક વિસ્તારોમાં 10થી 12 ઈંચ જેટલો વરસાદ થયો છે. લોકોને ડોરિયન વાવાઝોડાએ 2017માં ત્રાટકેલા મારિયા તોફાનની યાદ અપાવી દીધી છે. ફ્લોરિડામાં સ્ટેટ ઈમરજન્સી પણ જાહેર કરી દેવામાં આવી છે.

ડોરિયન વાવાઝોડાએ કહેર વર્તાવ્યો છે. જેના  કારણે હજારો વૃક્ષો ધરાશાયી થઈ ગયા છે. કેટલાક હાઈ-વે પણ બંધ થઈ ગયા છે. ભારે વરસાદના કારણે કેટલાક માર્ગો ધોવાઈ ગયા છે. જેના કારણે વાહનવ્યવહાર પણ થંભી ગયો છે.
 

ફલોરિડામાં વાવાઝોડા ડોરિયનને લઇને ઇમરજન્સી જાહેર કરવામાં આવી છે. વાવાઝોડુ ડોરિયન ઉત્તર-પૂર્વી કેરેબિયન સમુદ્રમાં ધીરે-ધીરે આગળ વધી રહ્યું છે અને પશ્ચિમી એટલાન્ટિંકમાં તેનો કહેર વર્તાવે તેવી શક્યતા છે. તંત્ર દ્વારા વાવાઝોડા ડોરિયનના કારણે ભૂસ્ખલન, પૂર અને વિજળી સેવાની કટોકટીને પહોંચી વળવા તૈયારીઓ શરૂ કરી છે.