આફત હજી અટકી નથી ફ્લોરેન્સ વાવાઝોડાને લીધે અનેક મકાનની વીજળી ગૂલ

અમેરિકા પર હજુ ફ્લોરેન્સ વાવાઝોડાનો ખતરો ટળ્યો નથી. નોર્થ કૈરોલિના અને બૈરીયર દ્વીપ પર ફ્લોરેન્સ ત્રાટક્યું છે. જેના પગલે 1.5 લાખ મકાનોમાં વીજળી ગૂલ થઈ છે. તોફાનના પગલે વર્જીનીયા નોર્થ અને સાઉથ કૈરલાઈનાના તટીય વિસ્તારમાં 15 લાખથી વધુ લોકોએ સ્થળાંતર કર્યું છે. તો અમેરિકાના નોર્થ કૈરોલિનામાં કેટલાય વિસ્તારો પાણીમાં ડૂબ્યા છે. 

તો આ તરફ મોરહેડમાં પોલીસ સેવા પણ બંધ કરી દેવામાં આવી છે. કારણકે 145 કી.મી. પ્રતિ કલાકની ઝપડે પવન ફૂંકાઈ રહ્યો હોવાથી તેઓ માટે વાહન ચલાવવા પણ મુશ્કેલ છે. બીજી તરફ અમેરિકા પર મોટા ન્યૂક્લિયરનો ખતરો પણ તોળાયો છે. 

કારણકે ફ્લોરેન્સના રસ્તામાં જ અમેરિકાના 6 ન્યૂક્લિયર પાવર પ્લાન્ટ છે. પરંતુ હાલ તે સુરક્ષિત હોવાનો દાવો ફેડરલ એજન્સીએ કર્યો છે. તેમનું માનવું છે કે ફ્લોરેન્સથી નોર્થ અને સાઉથ કૈરલાઈના સ્થિત ન્યૂકિલયર પાવર પ્લાન્ટની સુરક્ષાને નુકસાન પહોંચી શકે છે. રવિવાર સુધી આ ખતરો યથાવત રહી શકે છે.