જળપ્રલય / હિમાચલ અને ઉત્તરાખંડમાં મેઘતાંડવ: આભ ફાટતા 19 લોકોના મોત, અનેક લોકો પાણીમાં તણાઈ ગયા

• હિમાચલ અને ઉત્તરાખંડમાં ભારે વરસાદી તબાહી મચાવી
• અનેક જગ્યાએ આભ ફાટ્યાની ઘટના સામે આવી
• અત્યાર સુધીમાં 19 જેટલા લોકોના થયા મોત

હિમાચલ પ્રદેશ અને ઉત્તરાખંડમાં ભારે વરસાદે તબાહી મચાવી છે. અત્યાર સુધીમાં હિમાચલમાં ત્રણ બાળકો સહિત 19ના મોત થઈ ચુક્યા છે, ઉત્તરાખંડમાં ચાર લોકોએ જીવ ખોઈ દીધો છે. બંને રાજ્યમાં કેટલાય લોકો ગુમ હોવાનું કહેવાય છે. ચારે તરફ તબાહી મચેલી છે. ઉત્તરાખંડમાં દહેરાદૂન પાસે માલદેવતા સરખેત, ટિહરી અને યમકેશ્વર વિસ્તારમાં વાદળ ફાટતા ભારે તબાહી મચી છે. હિમાચલ પ્રદેશથી મંડી અને ચંબા જિલ્લામાં વાદળ ફાટ્યું છે. આભ ફાટતા કેટલાય લોકો દટાયા છે. એક બાળકીની લાશ પણ મળી આવી છે. જ્યારે 15થી 20 લોકો તણાઈ ગયા છે. ચંબામાં ભૂસ્ખલન થતાં મા-દિકરા સહિત કુલ ચાર લોકો કાટમાળમાં દટાય ગયા છે. કાંગડા જિલ્લા પણ ભારે વરસાદ થતાં રેલ્વે ચક્કી પુલ રાતના સમયે તણાઈ ગયો હતો. તો વળી ભારે વરસાદને જોતા ચંબા મંડી બાદ કાંગડા અને કુલ્લૂ જિલ્લામાં પણ સ્કૂલ બંધ કરાવી દીધી હતી. હવામાન વિજ્ઞાન કેન્દ્ર શિમલાએ આજે અને આવતીકાલે બે દિવસ ભારે વરસાદની આગાહી આપી છે. 

Himachal Pradesh | 19 dead, 9 injured, 6 missing (feared dead) in the last 24 hours as heavy rainfall continues to trigger flashflood situations, landslides & accidents in the state: State Disaster Management Authority pic.twitter.com/CMerj3zbW8

— ANI (@ANI) August 20, 2022

મંડી જિલ્લામાં આભ ફાટ્યું, બાળકીની લાશ મળી આવી

હિમાચલ પ્રદેશના મંડી જિલ્લામાં મૂશળધાર વરસાદે તબાહી મચાવી છે. જિલ્લાના મંડી કટૌલા પરાશર માર્ગ પર નાળામાં આભ ફાટ્યું હતું. અહીં પુરની ચપેટમાં આવતા આખો એક પરિવાર ગુમ છે. રાહત અને બચાવ કાર્ય કરતા એક બાળકીની લાશ મળી આવી હતી. જ્યારે અન્ય 5 લોકો હજૂ પણ ગુમ છે. આભ ફાટતા જૂના કટૌલા સુધીના વિસ્તારમાંથી અસંખ્ય લોકો પોતાના ઘર છોડીને અન્ય જગ્યાએ શિફ્ટ થયા હતા. બાગી નાળા પર બનેલો પુલ પણ તૂટી ગયો હતો. તો વળી મુખ્યમંત્રી જયરામ ઠાકુરના હોમટાઉન થુનાગ બજારમાં પણ પુર આવ્યું અને દુકાનો અને વાહનોને ભારે નુકસાન થયું હતું. 

Himachal Pradesh | Next 5 days to see moderate to heavy rain. Orange alert has been issued for the next 12 hours for whole state, yellow alert for the rest of the days till August 24: Bui Lal, IMD Director of State pic.twitter.com/6kctGsST1Y

— ANI (@ANI) August 20, 2022

રાજ્ય આપત્તિ વ્યવસ્થાપન વિભાગના નિર્દેશક સુદેશ કુમાર મોખ્તાએ જણાવ્યું હતું કે કાંગડા, ચંબા, મંડી, કુલ્લુ, શિમલા, સિરમૌર, સોલન, હમીરપુર, ઉના અને બિલાસપુર જિલ્લામાં આગામી ત્રણ-ચાર દિવસ સુધી વરસાદ ચાલુ રહેશે અને કેટલાક વિસ્તારોમાં ભારે વરસાદ થશે. 

હિમાચલ પ્રદેશના આપત્તિ વ્યવસ્થાપન વિભાગે 25 ઓગસ્ટ સુધી રાજ્યમાં ભારે વરસાદના પૂર્વાનુમાનના કારણે ભૂસ્ખલનની ચેતવણી આપી હતી. મુખ્યમંત્રી જયરામ ઠાકુરે લોકોના મોત પણ શોક વ્યક્ત કર્યો અને કહ્યું કે, પ્રશાસન પ્રભાવિત જિલ્લામાં યુદ્ધસ્તર પર બચાવ અભિયાન ચલાવી રહ્યું છે.