Video: મેકુનુ વાવાઝોડુ બન્યું મુસીબતઃ મુંબઇની તરતી રેસ્ટોરન્ટ આર્કડેક બારની જળસમાધિ

મુંબઈ: ફ્લોટિંગ રેસ્ટોરન્ટ આર્ક ડેક બારે જળસમાધિ લીધી. પરંતુ ક્રૂઝ પરથી 15 લોકોને આબાદ બચાવી લેવાય હતા અને મોટી દુર્ઘટના ટળી હતી. મહત્વની વાત છે કે જ્યારે આ ઘટના બની ત્યારે ક્રૂઝ પર માત્ર ક્રૂઝના જ કર્મચારીઓ હતા. મેકુન ચક્રવાત અને ટાઈડલ વેવ્સના કારણે આ ઘટના ઘટી હોવાનું હાલ મનાઈ રહ્યું છે. બ્રાંદ્રા વર્લી સી લિંક પાસે આ ઘટના બની હતી.

આ ઘટનાની જાણ થતાં જ બચાવદળ પહોંચી ગયું હતુ અને મોટરબોટની મદદથી લોકોને બચાવી કિનારે પહોંચાડવામાં આવ્યા. ઉલ્લેખનીય છે કે મુંબઈમાં આવા કેટલાંક નાના મોટા ફ્લોટિંગ રેસ્ટોરન્ટ છે જે પર્યટનને વધારો આપે છે.



ઉલ્લેખનીય છે કે શુક્રવારે ત્રાટકેલા મેકુનુ વાવાઝોડાએ ઓમાનના બે શહેર સલાલાહ અને મસ્કતે ઝપેટમાં લીધા. 170 કિલોમીટર પ્રતિ કલાકની ઝડપે પવન ફુંકાયો. અને સાથે જ શરૂ થયો તોફાની વરસાદ. એટલે મેકુનુ વાવાઝોડાના રસ્તામાં જે આવ્યું તે રમકડાની જેમ ઉડવા લાગ્યું.