પ્રવાસ / લંડન જવાનું વિચારતા હોવ તો હમણાં ટાળી જ દેજો, ફ્લાઈટની ટિકિટનો ભાવ એક નવી કાર જેટલો

• ડિરેક્ટોરેટ જર્નલ ઓફ સિવિલ એવિએશને માંગી માહિતી 
• દિલ્લી-લંડન ઈકોનોમી શ્રેણીનું ભાડું 3.95 લાખ રૂપિયા
• ફ્લાઇટનાં ભાડા પર નિયંત્રણની આવશ્યકતા 

ભારતના એ તમામ વિદ્યાર્થીઓ કે જે બ્રિટન અભ્યાસાર્થે જવા ઈચ્છે છે તેઓ માટે ખરાબ સમાચાર આવ્યા છે. તેમણે ઓગસ્ટ મહિનામાં કોલેજ સિઝન દરમિયાન ફ્લાઇટ ટિકિટ એક કારની કિંમત જેટલી આપવી પડે એવી સ્થિતિ ઊભી થઈ ગઈ છે. 

ડિરેક્ટોરેટ જર્નલ ઓફ સિવિલ એવિએશન (DGCA) ભારતમાં હવાઈ મુસાફરીનું નિયંત્રણ કરે છે. તેના દ્વારા ભારતની તમામ એરલાઇન્સને ઓગસ્ટ મહિના દરમિયાન ભારત અને બ્રિટન વચ્ચેના રુટ પર ફ્લાઇટના ભાડા અંગે વિગતો માગવામાં આવી હતી જેમાં ચોંકાવનારા આંકડા સામે આવ્યા હતા.

દિલ્લી-લંડન ઈકોનોમી શ્રેણીનું ભાડું 3.95 લાખ રૂપિયા

એક વરિષ્ટ અધિકારીએ આપેલ જાણકારી મુજબ શનિવારે આંતરરાજ્ય પરિષદ સચિવાલય માં સચિવ સંજીવ ગુપ્તાને ટ્વિટર પર ફરિયાદ કરવામાં આવી હતી કે 26 ઓગસ્ટે બ્રિટિશ એરવેઝની દિલ્લી-લંડન ઈકોનોમી શ્રેણીનું ભાડું 3.95 લાખ રૂપિયા છે. 

કોલેજોમાં એડમીશનના સમયગાળા દરમિયાન વધ્યા ભાવ 

તેમણે જણાવ્યું હતું કે બ્રિટનમાં કોલેજોમાં એડમીશનના સમયગાળા દરમિયાન વિસ્તારા અને એર ઈન્ડિયાની બ્રિટન જતી ફ્લાઇટ્સનું ભાડું પણ 1.2 લાખ રૂપિયાથી 2.3 લાખ રૂપિયા જેટલું છે. સંજીવ ગુપ્તાએ કહ્યું હતું કે તેમણે આ જાણકારી  સચિવ પીએસ ખરોલાને આપી હતી. 

ડોમેસ્ટિક ફ્લાઇટનાં ભાડા પર નિયંત્રણ 

ડિરેક્ટોરેટ જર્નલ ઓફ સિવિલ એવિએશન (DGCA) નાં વરિષ્ટ અધિકારીએ આપેલ જાણકારી મુજબ નિયામકે હાલ તો ભારત-બ્રિટન વચ્ચે ઉડનારી તમામ  એરલાઇન્સ પાસે ભાડાની વિગતો પણ માંગી હતી. ગત વર્ષનાં 25 મે બાદ ઘરેલુ ઉડ્ડયન પર તો સૌથી ઓછું અને સૌથી વધારે ભાડાની સીમા નક્કી કરેલી છે. આંતતરાષ્ટ્રીય ફ્લાઇટ્સ પર જો કે આ નિયમ લાગુ નથી પાડવામાં આવ્યો. 

જો કે હવે આટલા બધા ભાડાના ભાવ જોતાં નજીકના સમયમાં આવા નિયંત્રણોની જરૂર આંતરરાષ્ટ્રીય ફ્લાઇટનાં ભાવ પર લાગુ પાડવાની જરૂર પડે એવું જણાઈ રહ્યું છે.