વિમાનમાં ખાવા મળેલુ સફરજન બેગમાં મૂક્યું થયો 33 હજારનો દંડ

વોશિંગ્ટન: પ્લેનમાં મળતી ખાવા પીવાની ચીજોને બાદમાં ખાવા માટે બેગમાં રાખવું ખૂબ જ ભારે સાબિત થઇ શકે છે. એક મહિલા યાત્રીની સાથે અમેરિકામાં આવું થયું. એને પ્લેનમાં ખાવા માટે સફરજન આપવામાં આવ્યું હતું. એને પછીથી ખાવા માટે સફરજનને બેગમાં મૂક્યું. 

યૂનાઇટેડ સ્ટેટ્સ કસ્ટમ એન્ડ બોર્ડરના અધિકારીઓએ એની પર 500 ડોલરનો દંડ ફટકાર્યો છે કારણ કે મહિલાએ એવું નહતું જણાવ્યું કે એ પેરિસથી આવેલી ડેલ્ટા એરલાઇનની ફ્લાઇટમાં મળેલું સફરજન લઇને આવી છે. 

પીડિત ક્રિસ્ટલ ટેડલોકે કહ્યું છે કે એને યાત્રા દરમિયાન ફ્લાઇટમાં મળેવું સફરજનને મિનિપોલિસથી ડેનવરની યાત્રા માટે બચાવીને બેગમાં મૂક્યું હતું. કસ્ટમના અધિકારીઓએ એમની બેગની તપાસ કરી. એમને કહ્યું છે કે એજન્ટે એમને પૂછ્યું કે શું ફ્રાંસથી એની ટ્રિપ મોંઘી હતી. 

એની પર ક્રિસ્ટલે કહ્યું હા તો એજન્ટે કહ્યું હવે આ સૌથી મોંઘી સાબિત થવા જઇ રહી છે કારણ કે એમની બેગમાંથી સફરજન મળ્યા બાદ અમેરિકા સીમા શુલ્ક વિભાગે 500 ડોલરનો દંડ ફટકાર્યો છે.  

મહિલાએ અધિકારીઓને જણાવ્યું હતું કે એને સફરજન ફ્લાઇટમાં આપવામાં આવ્યું છે. તેમ છતાં એનું સાંભળવામાં આવ્યું નહીં.