સોશિયલ મીડિયામાં વાયરલ થયો ચાનો વીડિયો, વીડિયો જોઇને કહેશો, હેં? આવી પણ ચા હોય ?
પિંક કલરની ચાનો વીડિયો વાયરલ
સોશિયલ મીડિયામાં ધૂમ મચાવી રહ્યો છે આવીડિયો
પિંક કલરની ચાનો છે અદભૂત સ્વાદ
ચાના રસિયાઓ હવે એક નવા જ પ્રકારની ચા પીવા માટે તૈયાર રહેજો. ચાના અનેક પ્રકારો તમને ખબર જ હશે, ગ્રીન ટી, લેમન ટી, એપલ ટી અને બીજી ઘણી બધી. ચાના એટલા બધા ચાહકો છે કે દિવસમાં એકવાર ચાના પીવે તો ઉંઘ જ ન ઉડે. ગમે તે સ્થિતિ હોય ચા તો જોઇએ. આવા ટી લવર્સ દુનિયાના ગમે તે ખૂણે જાય તેઓને ચા વગર તો ન જ ચાલે. જો કે હવે સ્ટ્રીટ વેન્ડર્સ ચામાં પણ અવનવા અખતરા કરી રહ્યા છે. ત્યારે આવી જ અતરંગી અને ક્યારેય જોઇ ન હોય તેવી ખાસ ફ્લેવર ધરાવતી પિંક ચા સોશિયલ મીડિયામાં ધુમ મચાવી રહી છે.
ગુલાબી ચાનો વીડિયો વાયરલ
ગ્રીન,, બ્લેક, વ્હાઇટ, યલો અને બીજા ઘણા બધા રંગની આપણે ચા પીધી છે પરંતુ શું તમે પિંક કલરની ચા પીધી ખરા? જી, હા પહેલા તો નામ સાંભળીને જ એમ થાય કે પિંક કલરની તો કંઇ ચા હોતી હશે. પરંતુ આ સત્ય છે. આ દિવસોમાં એક ચા સોશિયલ મીડિયા પર ખૂબ વાયરલ થઈ રહી છે. આ ચા લોકોમાં ચર્ચાનો વિષય બની રહે છે. વીડિયોમાં જોઈ શકાય છે કે એક સ્ટ્રીટ વેન્ડર પિંક કલરની ખાસ ચા બનાવે છે. લોકો આ ચા પીવા માટે ઉત્સુક બની રહ્યા છે. આ વીડિયોને અત્યાર સુધીમાં 11 મિલિયનથી વધુ લોકોએ જોયો છે અને 4 લાખથી વધુ લોકોએ તેને લાઈક કર્યો છે.
કેવી રીતે બને છે ગુલાબી ચા
વીડિયોમાં જોઈ શકાય છે કે ચા બનાવવા માટે દુકાનદાર કપમાં ખારી બિસ્કિટ જેવુ કંઇક તોડી રહ્યો છે, ત્યાર બાદ તેમાં ઘરે બનાવેલા સફેદ માખણનો ટુકડો નાંખે છે આ પછી તે પિંક કલરની ગરમ ગરમ ચા બાઉલમાં ભરે છે. ઇન્સ્ટાગ્રામમાં એક ફુડ બ્લોગરે આ વીડિયો શેર કર્યો છે જેમાં લખ્યું છે કે લખનૌમાં ગુલાબી ચાની દુકાનમાં.
આ ચાનો વીડિયો જોયા બાદ સોશિયલ મીડિયા યુઝર્સ તેના પર અલગ-અલગ પ્રકારની પ્રતિક્રિયાઓ આપી રહ્યા છે. વીડિયો જોઈને એક યુઝરે લખ્યું, 'યે ગુલાબી નહીં નૂન ચાય હૈ'. અન્ય યુઝરે લખ્યું, 'આ કાશ્મીરી ચા છે અને તેનો સ્વાદ જબરદસ્ત છે.' તમને જણાવી દઈએ કે જમ્મુ-કાશ્મીર અને લદ્દાખમાં ગુલાબી રંગની ચા 'નૂન ચાય' તરીકે ઓળખાય છે. તેનો સ્વાદ ખારો હોય છે. તેને કાશ્મીરમાં 'શેર ચા' તરીકે પણ ઓળખવામાં આવે છે, જે કાશ્મીરની પરંપરાગત ચા છે.