ઉત્તરપ્રદેશમાં પાકિસ્તાનના ઝંડા લહેરાવતો ફોટો વાયરલ થયો હતો. જ્યારબાદ પોલીસે ઘટનાસ્થળે પહોંચીને આરોપીઓની ધરપકડ કરી હતી.
ફોટો વાયરલ થતા જ પોલીસ આવી એક્શનમાં
ઘટનાસ્થળે પહોંચેલી પોલીસને ટોળાએ હેરાન કરી
વાયરલ થઇ ગયા ઝંડાના ફોટો
ઉત્તરપ્રદેશના ગોરખપુર જિલ્લામાં ચોંકાવનારો કેસ સામે આવ્યો છે. અહીં ચૌરી ચૌરાના મુંડેરા બજારમાં વોર્ડ નં.10 સ્થિત એક મકાનના છાપરા પર પાકિસ્તાનનો ઝંડો લહેરાવનારનો ફોટો વાયરલ થયા બાદ ચૌરી ચૌરા અને ઝંગહા પોલીસ કલાકો સુધી દોડતી રહી. જ્યારે પોલીસ ઘટનાસ્થળે પહોંચી તો કોઈ ઝંડો ન મળ્યો.
જોકે, લોકોની ભારે ભીડ મળી. ઘટનાસ્થળે એકઠી થયેલી ભીડને હટાવવાની સાથે જ પોલીસે એક યુવકને પૂછપરછ માટે કસ્ટડીમાં લેવાયો છે. તો પોલીસે બ્રાહ્મણ જન કલ્યાણ સમિતિના રાષ્ટ્રીય અધ્યક્ષ કલ્યાણ પાંડેની ફરિયાદ પર 4 લોકો વિરૂદ્ધ નામજોગ રાજદ્રોહનો કેસ દાખલ કરવામાં આવ્યો છે. તકેદારીના ભાગરૂપે ત્યાં ફોર્સ લગાવી દીધી છે.
વાયરલ થઇ ગયા ઝંડાના ફોટો
ચૌરી ચૌરા વિસ્તારના મુંડેરા બજાર વિસ્તારના વોર્ડ નંબર 10માં એક તાલિબ નામના વ્યક્તિના મકાન પર પાકિસ્તાની ઝંડા લગાવવાનો ફોટો ઝડપથી વાયરલ થઇ રહ્યો હતો. વાયરલ ફોટોને ગંભીરતાથી લઇને ઇન્સ્પેક્ટર ચૌરી ચૌરા ઘટના સ્થળે પહોંચ્યા તો જે મકાન પર ઝંડા હોવાની વાત કહેવામાં આવી રહી હતી, ત્યાં કોઈ ઝંડા તો ન મળ્યા અને મકાન અંદરથી બંધ હતું. પોલીસે અંદાજિત 1 કલાકે દરવાજો ખોલ્યો અને પોલીસે ઘરે એક યુવકને કસ્ટડીમાં લઇને પોલીસ સ્ટેશન લઇ ગયા. આ વચ્ચે ત્યાં હાજર ટોળાએ ઝંડો લગાવનારા યુવક પપ્પૂ કુરેશીના દરવાજા પર ઉભેલી ગાડીમાં તોડફોડ કરી હતી.
4 વિરૂદ્ધ કેસ દાખલ
સૂચના પર વિશ્વ હિન્દુ પરિષદ નેતા અમિત વર્મા, આરએસએસના વિરેન્દ્ર સહિત તમામ ભાજપ નેતા અને કાર્યકર્તા પહોંચી ગયા. બ્રાહ્મણ જન કલ્યાણ સમિતિના રાષ્ટ્રીય અધ્યક્ષ કલ્યાણ પાંડેની ફરિયાદ પર 4 લોકો વિરૂદ્ધ નામજોગ રાજદ્રોહ કેસ દાખલ કરવામાં આવ્યો છે. તેમાં તાલીમ પુત્ર મુલ્લા, પપ્પૂ પુત્ર વિસ્મિલ્લાહ, આશિક પુત્ર પપ્પૂ અને આરિફ પુત્ર આરોપી બનાવાયા છે.