અમદાવાદ મ્યુનિસિપલ સ્કૂલબોર્ડના ધીરેન્દ્રસિંહ તોમર દ્વારા ગઇ કાલે આગામી નાણાકીય વર્ષ ર૦ર૦-ર૧નું રૂ.૬૯૮ કરોડનું બજેટ રજૂ કરાયું હતું. અત્યારે ૩૮૭ શાળામાં ગુજરાતી, હિંદી, મરાઠી, અંગ્રેજી સહિત છ વિવિધ માધ્યમમાં ભણતાં ૧,રર,૭૮૦ બાળકો માટે આ બજેટ તૈયાર કરાયું હોવાનો દાવો સત્તાધીશોનો છે જોકે બજેટની કુલ ૮૦.રર ટકા રકમ તો એસ્ટાબ્લિશેન્ટ ખર્ચ પાછળ વપરાશે.
મ્યુનિ. સ્કૂલમાંથી 33 હજાર વિદ્યાર્થી શાળા છોડી ગયા
૭૦ જેટલી શાળા પણ ઓછી થઈ ગઈ
કમ્પ્યૂટર લેબ અને સ્માર્ટ ટીવી ધૂળ ખાય છે
જ્યારે વિદ્યાર્થી વિકાસ ખર્ચ હેઠળ માત્ર ૪.૭૩ ટકા રકમ ફાળવાઇ છે. એટલે મ્યુનિ. શાળાના ગુણવત્તાલક્ષી શિક્ષણ સામે ફરી મોટો પ્રશ્ન સર્જાયો છે. દરમ્યાન ખુદ તંત્રના સત્તાવાર રિપોર્ટ મુજબ છેલ્લાં પાંચ વર્ષમાં મ્યુનિ. શાળાનામાં ૩૩ હજાર બાળકોની સંખ્યા ઘટી હોવાની ચોંકાવનારી વિગત જાણવા મળી છે.
સ્કૂલબોર્ડના ચેરમેન તોમરના બજેટમાં સફાઇ અભિયાન, મારું શહેર, પ્લાસ્ટિક ફ્રી શહેર તેમજ તમામ શાળાઓને આગવી ઓળખ આપવા 'યુનિવર્સલ કલર' કરવો જેવી ચિલાચાલુ દરખાસ્તો મંજૂર કરાઇ છે. હેરિટેજ અવેરનેસ કાર્યક્રમ તેમજ શહેરકક્ષાનો વાર્ષિકોત્સવ ઉજવવો જેવી ઉત્સવ સમાન બાબતોથી બાળકોને ગુણવત્તાલક્ષી શિક્ષણ મળવું કપરું બનશે.
બીજી તરફ છેલ્લાં બે વર્ષમાં ૧૦૦૦ જેટલા અપાયેલા સ્માર્ટ ટીવીનો વર્ગખંડમાં ઉપયોગ થતો નથી. કમ્પ્યૂટર લેબનાં કમ્પ્યૂટર ચાલતાં નથી એટલે એક પણ બાળકને કમ્પ્યૂટર શિક્ષણ મળતું નથી. તેવા ગંભીર આક્ષેપ સ્કૂલ બોર્ડના વિપક્ષ કોંગ્રેસના સભ્ય ઇલિયાસ કુરેશીએ કર્યા છે.
દરમ્યાન મ્યુનિ. શાળામાં બાળકોની સંખ્યામાં સતત ઘટાડો થઇ રહ્યો હોવાની માહિતી ખુદ તંત્રના સત્તાવાર રિપોર્ટમાં અપાઇ છે. જે મુજબ ર૦૧૩-૧૪માં ૧,પપ,૭૧૩ બાળક અભ્યાસ કરતાં હતાં. જેમાં ર૦૧૪-૧પમાં ઘટાડો થઇને ૧,૪૮,ર૭૬ બાળક, ર૦૧પ-૧૬માં ૧,૪૧,ર૬૬ બાળક, ર૦૧૬-૧૭માં ૧,૩૧,૪પ૩ બાળક અને ર૦૧૭-૧૮માં ૧,ર૧,૮૮૮ બાળક થયાં હતાં, સપ્ટે.ર૦૧૯ની સ્થિતિએ મ્યુનિ. શાળામાં ભણતાં બાળકોની સંખ્યા ૩૩,૦૦૦ જેઓ ઘટાડો થયો હતો.
આ ઉપરાંત પ્રાથમિક શાળાની સંખ્યામાં ઘટાડો નોંધાયો છે. ર૦૧૪-૧પમાં ૪પ૬ શાળા હતી જે ર૦૧૭-૧૮માં ૩૭૧ થઇ હતી અને હવે સપ્ટે.ર૦૧૯ની સ્થિતિએ ૩૮૭ શાળા છે. એટલે કે શાળાની સંખ્યામાં ૭૦ શાળાનો ઘટાડો થયો છે.
આની સાથે સાથે મ્યુનિ. શાળામાં મફતમાં અપાતું શિક્ષણ સહિતની સુવિધાઓથી આકર્ષાઇને ગત વર્ષ ખાનગીશાળાના ૩પ,૦૦૦ બાળકોને મ્યુનિ. શાળાનામાં પ્રવેશ લેતાં છેલ્લાં એક વર્ષમાં મ્યુનિ. શાળાનામાં ૯૦૧ બાળક વધ્યાં પણ છે. સપ્ટે. ર૦૧૯માં બાળકોની સંખ્યા ૧,રર,૭૮૯ નોંધાઇ હતી. જે વર્ષ ર૦૧૮-૧૮ની તુલનાએ ૯૦૧ બાળકોની વધુ સંખ્યા દર્શાવે છે.
અત્રે ઉલ્લેખનીય છે કે સ્કૂલ બોર્ડનાં બજેટના ૮૦.રર ટકા એટલે કે રૂ.પપ૧.પપ કરોડ તો ફક્ત એસ્ટાબ્લિશમેન્ટ ખર્ચ છે. જ્યારે વિદ્યાર્થી વિકાસ માટે રૂ.૩ર.પર કરોડ એટલે કે ફક્ત ૪.૭૩ ટકા નાણાની ફાળવણી કરાઇ છે. બીજી તરફ આશ્ચર્યજનક રીતે શાળા-ઓફિસને લગતા ખર્ચમાં જંગી વધારો કરાયો છે. ચાલુ વર્ષે આ માટે રૂ.૩૩.પ૬ કરોડ ખર્ચાનાર છે. જે ૪.૯૮ ટકા થાય છે. પરંતુ આગામી નાણાકીય વર્ષ ર૦ર૦-ર૧માં રૂ.૧૦૩.પર કરોડ એટલે કે બજેટના ૧પ.૦પ ટકા ખર્ચાશે. જેમાં સ્કૂલ બોર્ડ માટે અત્યાધુનિક કોર્પોરેટ લુક ધરાવતા ભવ્ય બિલ્ડિંગના નિર્માણનો સમાવેશ થાય છે.