અકસ્માત / ગાંધીનગરના સાંતેજમાં 8 શ્રમિકોને વીજકરંટ લાગતા 5ના ઘટનાસ્થળે મોત, આવી રીતે બની દુર્ઘટના

• ગાંધીનગરના સાંતેજમાં વીજકરંટ લાગતા 5ના મૃત્યુ
• ફેક્ટરીના શેડની કામગીરી દરમિયાન બની ઘટના
• અન્ય 3 શ્રમિકોને વીજકરંટ લાગતાં દાઝ્યાં

ગાંધીનગર જિલ્લાના સાંતેજ-વડસર રોડ પર આવેલા મિલન એસ્ટેટમાં નવી કંપનીનો શેડ બની રહ્યો હતો. આઠ શ્રમિકો લોખંડની સીડી ઉંચકીને લઇ જઇ રહ્યા હતા આ દરમિયાન ઉપરથી પસાર થતા હાઇટેન્શન વીજવાયરને અડી જતાં દુર્ઘટના બની હતી. આ દુર્ઘટનામાં 5 શ્રમિકોના ઘટનાસ્થળે મોત થયા. જે મૃતકોમાં ચાર મજૂરો અમદાવાદના રહેવાસી છે. 

દુર્ઘટનામાં 5 શ્રમિકોના મોત

• કાર્તિક બીસે(ઉ.વ.18) -અમદાવાદ
• મહેશ વશરામભાઈ ફુલેરા(ઉ.વ.35) -અમદાવાદ
• ભાવુજી ઠાકોર(ઉ.વ.32) -અમદાવાદ
• પંકજ હિંમતભાઈ વાલીયા(ઉ.વ.35) -અમદાવાદ
• બજરંગીરાય નારાયણરાય(ઉ.વ.25) -ઝારખંડ

દુર્ઘટનામાં ઇજાગ્રસ્ત શ્રમિકોને સારવાર અર્થે હોસ્પિટલ ખસેડવામાં આવ્યા હતા. આ ઘટનાના પગલે પોલીસ ઘટનાસ્થળે પહોંચી હતી અને અકસ્માતથી મોતનો ગુનો નોંધી તપાસ હાથ ધરી છે.