વરસાદની સીઝનમાં રસ્તા પર પાણી ભરાઈ જવાના કારણે તમારી કાર ખરાબ થાય તે શક્ય છે. આ સમયે કેટલીક ખાસ વાતોનું ધ્યાન રાખી લેવામાં આવે તો કારને નુકસાનથી બચાવી શકાય છે. જો તમે પણ આવું કરશો તો મુશ્કેલીથી બચી શકશો. જાણી લો ખાસ 5 વાતો.
વરસાદની સીઝનમાં કામની છે આ 5 ટિપ્સ
ગાડીની સેફ્ટી માટે ધ્યાન રાખો આ વાતો
ગાડીને નુકસાનથી બચાવવામાં કરશે મદદ
જ્યારે રસ્તા પર પાણી ભરાયેલું હોય ત્યારે તમારી ગાડીને સ્પીડથી કાઢવાની કોશિશ ન કરો. સ્પીડ ઓછી રાખીને એક્સીલેટર આપીને ગાડીને આગળ વધારો. આમ કરવાથી ગાડી બંધ નહીં થાય.
જો પાણી ભરાયેલા રસ્તા પર ગાડીની બ્રેક ડાઉન થઈ જાય તો ભૂલથી પણ ગાડીનું એન્જિન ફરી સ્ટાર્ટ ન કરો. ગાડીને ધક્કો મારીને સુરક્ષિત જગ્યાએ ખસેડી લો. જો ગાડી ચાલુ કરવાની કોશિશ કરશો તો એન્જિન સીઝ થઈ શકે છે.
જ્યારે પણ પાણીમાં ગાડી ફસાઈ હોય ત્યારે એસી બંધ રહે તેનું ધ્યાન રાખો. ગાડીના વિંડો ગ્લાસ ખોલી લો. જો કારનું એસી ઓન રાખીને કાર ચલાવશો તો પાણી ઝડપથી એન્જિનમાં ઘૂસી જશે અને ગાડી બંધ થઈ જશે.
પાણીનું લેવલ કારના ટાયરથી વધુ ઉપર હોય તો ગાડી સ્ટાર્ટ કરવાની કોશિશ ન કરો તે યોગ્ય છે.
સેન્ટ્રલ લોકિંગ સિસ્ટમને બંધ કરો. કારનું એન્જિન બંધ થયા ત્યારે તે પણ બંધ થઈ જાય છે. એવામાં પાણીમાં ફસાઈ ગયા હોવ ત્યારે તેને ખોલી શકાતું નથી.