ગાંધીનગર વિધાનસભા ગૃહમાં આજે શિક્ષણમંત્રી પ્રફુલ પાનસેરિયા દ્વારા ખાનગી યુનિવર્સિટી સુધારા વિધેયક રજૂ કરાશે.
નવી 5 યુનિવર્સિટીને મળશે મંજૂરી
ગૃહમાં યુનિવર્સિટીના સુધારા વિધેયક રજૂ થશે
શિક્ષણમંત્રી પ્રફુલ પાનસેરિયા રજૂ કરશે બિલ
ગાંધીનગર વિધાનસભાના સત્રમાં શિક્ષણને લગતો મોટો નિર્ણય આવી શકે છે. ગુજરાત વિધાનસભા ગૃહની અંદર આજે નવી પાંચ યુનિવર્સિટીને મંજૂરી આપવામાં આવશે. રાજ્ય સરકાર દ્વારા નવી 5 યુનિવર્સિટીને મંજૂરી આપવામાં આવશે. શિક્ષણમંત્રી પ્રફુલ પાનસેરિયા દ્વારા વિધાનસભા ગૃહમાં ખાનગી યુનિવર્સિટીના સુધારા વિધેયક રજૂ કરવામાં આવશે.
રાજ્ય સરકાર નવી 5 યુનિ.ને આપશે મંજૂરી
વિધાનસભામાંથી મંજૂરી મળ્યા બાદ અમદાવાદમાં સરદાર પટેલ ગ્લોબલ યુનિવર્સિટીની સ્થાપના થશે. ભાવનગરમાં જ્ઞાન મંજરી ઈનોવેટીવ યુનિવર્સિટીનું નિર્માણ થશે. તો વડોદરામાં સિગ્મા યુનિવર્સિટી અને વાપીમાં રજ્જુ શ્રોફ રોફેલ યુનિવર્સિટીની સ્થાપના કરાશે. સાથે જ સાણંદમાં કે.એન.યુનિવર્સિટીનું નિર્માણ થશે.