હાલના ભાજપના શાસકો મ્યુનિસિપલ શાળામાં ભણતાં ગરીબ અને મધ્યમ વર્ગનાં બાળકોને ઉચ્ચ ગુણવત્તાવાળું શિક્ષણ આપવા તરફ વધુ ને વધુ આગેકૂચ કરી રહ્યા છે.
૭.૩૮ કરોડના ખર્ચે બનેલી પાંચ નવી સ્માર્ટ સ્કૂલ
બે હજારથી વધુ બાળકો માટે ‘આશીર્વાદ’ સમાન
સરૂમ પરંપરાગત શિક્ષણથી અલગ વાતાવરણનું નિર્માણ
એક સમયે મ્યુનિસિપલ શાળાનું ભણતર લોકોમાં ભારે અપ્રિય હતું. છઠ્ઠા અને સાતમા ધોરણના વિદ્યાર્થીને સાદું ગુજરાતી લખતાં-વાંચતાં ન આવડે તેવી બાબત સાવ સામાન્ય બની હતી. પરિણામે મધ્યમ વર્ગના લોકો પોતાના બાળકને મોંઘીદાટ ફી વસૂલતી ખાનગી શાળામાં મને-કમને અભ્યાસ માટે મોકલતા હતા, જોકે હવે સમય જાણે કે પલટાયો હોય તેમ લાગે છે અને હાલના ભાજપના શાસકો મ્યુનિસિપલ શાળામાં ભણતાં ગરીબ અને મધ્યમ વર્ગનાં બાળકોને ઉચ્ચ ગુણવત્તાવાળું શિક્ષણ આપવા તરફ વધુ ને વધુ આગેકૂચ કરી રહ્યા છે, જેના પરિણામે રૂ. ૭.૩૮ કરોડના ખર્ચે નવી પાંચ મ્યુનિસિપલ સ્માર્ટ શાળા બાળકો માટે ઉપલબ્ધ કરાઈ છે. શહેરમાં સ્માર્ટ શાળાની સંખ્યામાં સતત વૃદ્ધિ થઈ રહી છે, જે એક પ્રકારે પ્રશંસનીય બાબત છે.
બાળકોને ઉત્તમ ગુણવત્તાયુકત ક્ષિક્ષણ મળી રહે તે હેતુ સાથે મ્યુનિસિપલ સ્કૂલ બોર્ડ દ્વારા અનેક સ્કૂલોને સ્માર્ટ સ્કૂલ બનાવવામાં આવી રહી છે. pic.twitter.com/FuX4sw6Gmc
૧૧૦.૭૭ કરોડથી વધુના વિભિન્ન પ્રોજેક્ટની ભેટ
ગત ૧૦ માર્ચે કેન્દ્રીય ગૃહપ્રધાન અમિત શાહે દિલ્હીથી અને મુખ્યપ્રધાન ભૂપેન્દ્ર પટેલે સોલાથી શહેરીજનોને રૂ. ૧૧૦.૭૭ કરોડથી વધુના વિભિન્ન પ્રોજેક્ટની ભેટ આપી હતી, જેમાં સનાથલ જંક્શન રેલવે ઓવરબ્રિજના લોકાર્પણ ઉપરાંત પાંચ નવી સ્માર્ટ શાળાના ઉદ્ઘાટનનો પણ સમાવેશ થયો હતો. મ્યુનિ. સ્કૂલ બોર્ડના ચેરમેન ડો. સુજય મહેતા અને શાસનાધિકારી ડો. એલ. ડી. દેસાઈ આ અંગે વધુ માહિતી આપતાં કહે છે કે મ્યુનિ. શાળામાં ભણતાં બાળકો માટે સરખેજ, થલતેજ, સોલા, સાબરમતી અને ચાંદખેડા એમ પાંચ જગ્યાએ નવી સ્માર્ટ શાળા શરૂ કરાઈ છે. ચાંદખેડાની પ્રાથમિક શાળાને રૂ. ૧.૭૫ કરોડ, મોટેરાની પ્રાથમિક શાળાને રૂ. ૧.૨૦ કરોડ, સોલાની પ્રાથમિક શાળાને રૂ. ૧.૭૫ કરોડ, હેબતપુરની પ્રાથમિક શાળાને રૂ. ૧.૭૫ કરોડ અને નવા વણજરની પ્રાથમિક શાળાને રૂ. ૯૩ લાખના ખર્ચે સ્માર્ટ શાળાનાં રંગરૂપ અપાયાં છે.
૩૬ પ્રકારનાં વિવિધ ઉપકરણો દ્વારા બાળકો આનંદથી અભ્યાસ
આ તમામ નવી પાંચ સ્માર્ટ શાળા ગાંધીનગર લોકસભા મતવિસ્તારમાં આવેલી છે કે જે કેન્દ્રીય ગૃહપ્રધાન અમિત શાહનો સંસદીય વિસ્તાર છે. શહેરમાં સ્માર્ટ શાળાના અભિગમ હેઠળ નાનાં-નાનાં ભૂલકાંઓ માટે જોયફૂલ લર્નિંગ ક્લાસ ઉપલબ્ધ કરાયા છે, જેમાં ૩૬ પ્રકારનાં વિવિધ ઉપકરણો દ્વારા બાળકો આનંદથી અભ્યાસ કરે છે. ઇન્ટિગ્રેટેડ ડિજિટલ ટીચિંગ ડિવાઇસથી મલ્ટિમીડિયા કન્ટેન્ટ દ્વારા ગુજરાત સરકાર માન્ય તૈયાર કરાયેલા અભ્યાસક્રમને સ્માર્ટ ક્લાસમાં ભણાવવામાં આવે છે.મેથ્સ અને સાયન્સ લેબમાં ધો. ૧થી ૮ના અભ્યાસક્રમનું વર્કિંગ મોડલ રજૂ કરાય છે, જે માટે શિક્ષકોને ખાસ તાલીમ આપીને આશરે ૧૦૦ ગણિત અને વિજ્ઞાનનાં મોડેલ રજૂ કરવાનો પ્રયાસ કરાશે. સ્માર્ટ શાળા અંતર્ગત એની ટાઇમ એની વેર લર્નિંગના ધ્યેયને હાંસલ કરવા ફેન્સી બેન્ચીસ સાથે ઇનડોર નેટવાળો ફ્યૂચર ક્લાસરૂમ પરંપરાગત શિક્ષણથી અલગ વાતાવરણનું નિર્માણ કરે છે.
માનસિક કૌશલ્યના વિકાસ માટે રમતગમતનાં સાધનો
શાળા બહારના અને અંદરના ભાગમાં સ્માર્ટ શાળાની આગવી ઓળખ આપતો કલર, ધોરણ-૧થી ૪ના વિદ્યાર્થીઓ માટે મનોરંજક લાગે તેવી કલરફુલ બેન્ચીસ, ધોરણ-૬થી ૮ના વિદ્યાર્થીઓ માટે કલરફુલ બેન્ચીસ, અમુક તાપમાને ઓટોમેટિક ઇનપુટ આપતું અગ્નિશામક યંત્ર, વિદ્યાર્થીઓના શારીરિક અને માનસિક કૌશલ્યના વિકાસ માટે રમતગમતનાં સાધનો, ૨૫૦ માઇક્રોન પીવીસીશીટમાં ૧૦૦ માઇક્રોન લેમિનેશન સાથે થ્રી-ડી એજ્યુકેશન ચાર્ટ તેમજ બાળકોને લેપટોપ મૂકવા લોકર અને શૂ-રેકની સુવિધા પણ અપાઈ હોવાનું શાસનાધિકારી ડો. એલ.ડી. દેસાઈ વધુમાં જણાવે છે.અમદાવાદમાં કુલ ૬૨ સ્માર્ટ શાળા ધમધમતી થઈઃ ગત ૧૦ માર્ચે લોકાર્પણ કરાયેલી પાંચ નવી સ્માર્ટ શાળા સાથે અમદાવાદમાં સ્માર્ટ શાળાની સંખ્યા સતત કૂદકે ને ભૂસકે વધતી જઈ રહી છે. આજે શહેરમાં કુલ ૬૨ સ્માર્ટ શાળા હોઈ તમામ ૪૮ વોર્ડમાં એક કે બે જેટલી સ્માર્ટ શાળાનો લાભ ગરીબ અને મધ્યમ વર્ગનાં બાળકો ઉઠાવી રહ્યાં છે.
કાંકરિયા શાળા નં. ૫-૬ પહેલી સ્માર્ટ શાળા બની હતી
અમદાવાદ મ્યુનિ. સ્કૂલ બોર્ડ દ્વારા બાળકોને સ્માર્ટ શિક્ષણ આપવા માટે વર્ષ ૨૦૧૮-૧૯માં પહેલી સ્માર્ટ શાળા શરૂ કરાઈ હતી. કાંકરિયા શાળા નં. ૫-૬ને તંત્રએ સ્માર્ટ શાળામાં બદલી હતી. આજે શહેરની તમામ સ્માર્ટ શાળામાં આશરે ૨૦થી ૨૫ હજાર બાળકો અભ્યાસ કરી રહ્યાં છે.તાજેતરમાં લોકાર્પણ કરાયેલી સરખેજ, થલતેજ, સોલા, સાબરમતી અને ચાંદખેડા ખાતેની નવી સ્માર્ટ શાળાને ગણતરીમાં લેતાં કેન્દ્રીય ગૃહપ્રધાન અમિત શાહના ગાંધીનગર લોકસભા મતવિસ્તારમાં કુલ ૧૮ સ્માર્ટ શાળા શરૂ થઈ હોવાનું તંત્ર જણાવે છે.