અરે બાપરે / આ 5 છોડ છે દુનિયાના સૌથી ખતરનાક છોડ, સ્પર્શ માત્રથી મનુષ્યનું થાય છે મૃત્યુ

• તમને ખબર છે? 
• આ છોડ છે દુનિયાના સૌથી ઝેરી ફૂલ 
• સ્પર્શ માત્રથી થઈ શકે છે મોત 

છોડ અને વૃક્ષ માનવ જીવનનો આધાર માનવામાં આવે છે. તેનાથી ન ફક્ત સુંદરતા આવે છે પરંતુ મનુષ્યને શ્વાસ લેવા માટે જરૂરી ઓક્સીજન પણ મળી રહે છે. આજ કારણ છે કે ઝાડ-પાનને જીવન આપનારૂ કહેવામાં આવે છે. પરંતુ અમુક ઝાડ એવા પણ છે જે જીવન આપતા નથી પરતું તેમને અડવા માત્રથી કોઈનો પણ જીવ જતો રહે છે. આવો જાણીએ આવા છોડ વિશે. 

હોગવીડથી સ્કિન કેન્સરનો ખતરો 
હોગવીડ નામના છોડને હેરાક્લેમ મેન્ટેગેજિયમ કહે છે અને તેના ફૂલ ખૂબ જ ઝેરીલા હોય છે. તેના ફૂલને જો કોઈ સ્પર્શ કરી લે તો તેનાથી શરીર પર ઈજા પહોંચે છે. સાથે જ તેનાથી ત્વચા પર ખરાબ અસર પડે છે. તમામ પ્રકારની સ્કિન ડિસીઝ ઉપરાંત હોગવીડના ફૂલથી સ્કિન કેન્સર સુધીનો ખતરો થઈ શકે છે. 

એકોનિટમ રોકી લે છે હૃદયના ધબકારા 
વિશ્વના સૌથી ઝેરી છોડમાં એકોનિટમનો પણ સમાવેશ થાય છે. છોડના પાન અને મૂળ ખૂબ જ ઝેરી હોય છે અને તેના સંપર્કમાં આવવાથી વ્યક્તિના હૃદયના ધબકારા બંધ થવા લાગે છે. ગંભીર કિસ્સાઓમાં, તે મૃત્યુનું કારણ પણ બની શકે છે. છોડના મૂળમાં રહેલું ઝેર મગજ પર સીધો હુમલો કરે છે અને તેને સ્પર્શ કરવાથી શરીરમાં અજીબ પ્રકારનું રિએક્શન થાય છે. જો કોઈ તેને આકસ્મિક રીતે ખાય છે, તો તેનું મૃત્યુ નિશ્ચિત છે.

રિકિનસથી થવા લાગે છે ઉલ્ટી 
Ricinus comunis ઝાડવું પણ અત્યંત જોખમી માનવામાં આવે છે. તેને રિસિન તરીકે પણ ઓળખવામાં આવે છે અને તેના બીજમાંથી એરંડાનું તેલ તૈયાર કરવામાં આવે છે. આ ઝાડવા માનવ શરીરના કોષોને દૂર કરી શકે છે. જેના કારણે પહેલા ઉલ્ટી અને ઝાડા થવાની ફરિયાદ થાય છે, જે ગંભીર સ્થિતિમાં જીવલેણ સાબિત થઈ શકે છે.

Manchineelને સ્પર્શ કરવાથી થઈ શકે છે મોત 
ફ્લોરિડા અને કેરેબિયન ટાપુઓમાં જોવા મળતો Manchineel પ્લાન્ટ પણ ઘણો ખતરનાક છે. તેને હિપ્પોમેન મેન્સિનિલા તરીકે પણ ઓળખવામાં આવે છે. આ છોડ પર ફળ પણ આવે છે અને જો કોઈ છોડ પર પડતા પાણીને અડકે તો તેનું મૃત્યુ થઈ શકે છે. આ છોડને બાળ્યા પછી તેનો ધુમાડો વ્યક્તિને અંધ બનાવી શકે છે. આ સાથે તેને શ્વાસ સંબંધી રોગનો પણ ખતરો છે.

અબરીન પણ ખૂબ ખતરનાક 
ખતરનાક છોડની યાદીમાં એબ્રીનનો પણ સમાવેશ થાય છે. જો કે તે લાલ બેરી જેવું લાગે છે, પરંતુ તે કોઈને મારી પણ શકે છે. તેના ફળના બીજ ખૂબ જ ખતરનાક હોય છે. જો કોઈ વ્યક્તિ બીજ ખાય છે, તો તે મરી શકે છે.