ભૂપેન્દ્ર પટેલ સરકાર 2.0 / સૌરાષ્ટ્રમાંથી પાંચ ધારાસભ્યોને બનાવાયા મંત્રી, લાંબા સમય બાદ આ શહેરનો પણ વધ્યો દબદબો

• ભૂપેન્દ્ર પટેલની સરકારનું મંત્રીમંડળ નક્કી
• 8 કેબિનેટ અને 8 રાજ્યકક્ષાના મંત્રીએ લીધા શપથ
• સૌરાષ્ટ્રમાંથી પાંચ ધારાસભ્યએ મંત્રીપદના શપથ લીધા
• રાજકોટ શહેરને લાંબા સમય બાદ મળ્યું કેબિનેટ મંત્રી તરીકેનું પદ

 ગુજરાતના મુખ્યમંત્રી તરીકે બીજી વખત પાટીદાર નેતા ભૂપેન્દ્ર પટેલે મુખ્યમંત્રી પદના શપથ લીધા છે તે બીજી તરફ 8 કેબિનેટ મંત્રી તેમજ 8 રાજ્યકક્ષાના મંત્રીઓએ પણ શપથ લીધા છે. દરેક વ્યક્તિને મંત્રી મંડળમાં સ્થાન આપવામાં આવ્યું છે. જેમાં સૌરાષ્ટ્રમાંથી પાંચ ધારાસભ્યોએ મંત્રીપદના શપથ લીધા છે.

સૌરાષ્ટ્રમાંથી પાંચ ધારાસભ્યોએ મંત્રીપદના શપથ દીધા
આજે મુખ્યમંત્રી પદના શપથ લીધા બાદ ભુપેન્દ્ર પટેલની સરકારમાં સૌરાષ્ટ્રને મહત્વ આપવામાં આવ્યું છે. સૌરાષ્ટ્રમાંથી કુલ પાંચ ધારાસભ્યોને મંત્રીપદના શપથ લીધા છે. કુંવરજી બાવળિયાા, રાઘવજી પટેલ, મુળુભાઈ બેરાએ મંત્રી પદના શપથ લીધા છે. તેમજ ભાનુબેન બાબરિયા, પુરૂષોત્તમ સોલંકીએ પણ મંત્રી પદના શપથ લીધા છે.

રાજકોટ ગ્રામ્યનાં મહિલા ધારાસભ્ય બન્યા કેબિનેટ મંત્રી
વિધાનસભાની ચૂંટણી વખતે જ્યાં સૌથી વધુ વિરોધ હતો તે સૌરાષ્ટ્રમાંથી પાંચ ધારાસભ્યોને મંત્રીપદના શપથ લેવડાવવામાં આવ્યા છે. ત્યારે રાજકોટ શહેરને લાંબા સમય બાદ કેબિનેટ મંત્રી તરીકેનું પદ આપ્યું છે. જેમાં વિજય રૂપાણી, વજુભાઈ વાળા બાદ રાજકોટ ગ્રામ્યનાં ધારાસભ્ય   ભાનુબેન બારિયાને કેબિનેટ મંત્રી બનાવવામાં આવ્યા છે.