30 જૂનની સમય મર્યાદામાં જ્યાં તમારે આધાર કાર્ડ સંબંધિત તમારા કામોને પતાવવું જરૂરી છે. આમ કરવામાં નિષ્ફળતા તમારા ખિસ્સા પર અસર પડી શકે છે.
આધાર કાર્ડને PAN કાર્ડ સાથે લિંક કરવાની છેલ્લી તારીખ 30 જૂન 2023 છે
અમાન્ય પાન કાર્ડનો ઉપયોગ કરવા પર તમારે 10,000 રૂપિયાનો દંડ પણ ભરવો પડશે
એડવાન્સ ટેક્સની ચુકવણી 4 હપ્તાઓ હેઠળ કરવાની છે
જૂન મહિનો ખૂબ જ ખાસ છે અને તેમાં ઘણા મહત્વપૂર્ણ કાર્યો છે, જે તમારે 30 જૂન સુધીમાં પૂર્ણ કરવા પડશે. જો તમે આ કરવામાં નિષ્ફળ રહેશો તો તમારે મોટી સમસ્યાઓનો સામનો કરવો પડી શકે છે. આ કામોમાં વિલંબ થવાથી તમારું આર્થિક નુકસાન પણ થઈ શકે છે. આમાં આધાર કાર્ડને પાન કાર્ડ (Aadhaar-PAN Link) સાથે લિંક કરવું, તમારા આધાર કાર્ડને મફતમાં અપડેટ કરવું (Free Aadhaar Card Update) અને ઉચ્ચ પેન્શન વિકલ્પ (Higher Pension Option) પસંદ કરવાનો સમાવેશ થાય છે.
છેલ્લી તારીખની રાહ ના જુઓ
30 જૂનની સમય મર્યાદામાં જ્યાં તમારે આધાર કાર્ડ સંબંધિત તમારા કામોને પતાવવું જરૂરી છે. આધાર પાન લિંક કરવું અને એડવાન્સ ટેક્સની ચુકવણી આવા કાર્યો છે, આમ કરવામાં નિષ્ફળતા તમારા ખિસ્સા પર અસર પડી શકે છે. આ સિવાય કર્મચારી ભવિષ્ય નિધિ સંગઠન દ્વારા વધુ પેન્શન પસંદ કરવા માટે છેલ્લી તારીખ ઘણી વખત લંબાવવામાં આવી છે અને હવે આગળ વધવાની શક્યતા ઓછી છે. આવી સ્થિતિમાં જો તમે આમાંથી કોઈ મહત્વપૂર્ણ કાર્ય પૂર્ણ કર્યું નથી, તો છેલ્લી તારીખની રાહ જોયા વિના આજે જ તેને પૂર્ણ કરવું સમજદારી છે.
આધાર-પાન લિંક
આધાર કાર્ડને PAN કાર્ડ (Aadhaar-PAN Linking) સાથે લિંક કરવાની છેલ્લી તારીખ 30 જૂન 2023 છે. આ કામ આવકવેરા વિભાગ દ્વારા ફરજિયાત કરવામાં આવ્યું છે. જો તમે આમ ના કરો તો તમારું પાન કાર્ડ કોઈ કામનું નહીં રહે એટલે કે તે પસ્તી સમાન થઇ જશે. એટલું જ નહીં, કોઈપણ હેતુ માટે અમાન્ય પાન કાર્ડનો ઉપયોગ કરવા પર તમારે 10,000 રૂપિયાનો દંડ પણ ભરવો પડી શકે છે.
આધાર અપડેટ
UIDAIએ તાજેતરમાં જ તેના યુઝર્સને મફતમાં આધાર કાર્ડ અપડેટ કરવાની સુવિધા આપી છે અને તેનો લાભ લેવાની છેલ્લી તારીખ 14 જૂન છે. આવી સ્થિતિમાં, જો તમે અત્યાર સુધી તમારું આધાર કાર્ડ અપડેટ કર્યું નથી, તો આ એક તક છે, તમે My Aadhaar Portal પર જઈને આ કામ મફતમાં કરી શકો છો. ઉલ્લેખનીય કે, તમારે આધાર કેન્દ્ર પર જઈને માહિતી અપડેટ કરવા માટે ચાર્જ ચૂકવવો પડશે.
હાયર પેન્શનનો વિકલ્પ
આ મહિને કરવામાં આવનાર મહત્વના કામની યાદીમાં EPF સબ્સ્ક્રાઇબર્સ સંબંધિત ખૂબ જ મહત્વપૂર્ણ કામ સામેલ છે. હકીકતમાં ઉચ્ચ પેન્શન (Higher Pension)માટે અરજી કરવા માટે EPFO દ્વારા 26 જૂન, 2023ની છેલ્લી તારીખ નક્કી કરવામાં આવી છે. અગાઉ આ કામ કરવા માટે 3 મેની તારીખ નક્કી કરવામાં આવી હતી જે આગળ લંબાવવામાં આવી હતી.
એડવાન્સ ટેક્સ પેમેન્ટ
તમે કારોબાર કે નોકરી કરો છો, જો ટેક્સ ભરવાની રકમ 10,000 રૂપિયાથી વધુ છે, તો જૂન મહિનો તમારા માટે પણ મહત્વપૂર્ણ છે. આવા લોકો માટે એડવાન્સ ટેક્સ પેમેન્ટ (Advance Tax Payment) તમારા માટે જરૂરી છે, જેને કરવુ જરુરી છે. જો કોઈ વ્યક્તિ આમ કરવાથી ચુકે છે, તો તેણે પહેલા 3 હપ્તા પર 3 ટકા અને છેલ્લા હપ્તા પર 1% ના દરે વ્યાજ ચૂકવવું પડશે. આ દંડ આવકવેરાની કલમ 23B અને 24C હેઠળ વસૂલવામાં આવે છે. એડવાન્સ ટેક્સની ચુકવણી 4 હપ્તાઓ હેઠળ કરવાની છે, જેનો પ્રથમ હપ્તો ચૂકવવાની છેલ્લી તારીખ 15 જૂન 2023 છે.