ઠંડી બસ હવે થોડા દિવસની જ મહેમાન છે ત્યારે ઉનાળાની શરુઆત થતા જ ભોજનમાં લાવો બદલાવ. પાચનતંત્રમાં થશે સુધારો
ઉનાળાથી શરુઆત હવે થોડા જ સમયમાં
ઉનાળામાં કેવી રીતે રહેશો હાઇડ્રેટ
ખોરાકમાં ફ્રુટ લેવાનો રાખો આગ્રહ
સવારે ઠંડી અને બપોર થતા થતા તો ગરમીનો અનુભવ થાય છે. જો કે અત્યારે સ્વેટર પહેરવાની જરુર છે પરંતુ ઠંડી સવારે લાગે તો ખરી હો. પરંતુ ઠંડી હવે થોડા દિવસની જ મહેમાન છે. ટૂંક સમયમાં કાળઝાળ ગરમીની શરુઆત થઇ જશે. ત્યારે આવી ગરમીમાં ભોજનને લઇને સખત પરેશાની રહે. કારણ કે ગરમીને કારણે જમવાનું પણ ભાવે નહી, ખાઇએ તો પેટ હેવી થઇ જાય. ત્યારે આવો જાણીએ ઉનાળામાં કેવી હોવી જોઇએ ભોજનશૈલી
ઉનાળામાં બદલો ભોજનશૈલી
ઉનાળામાં ડિહાઈડ્રેશન, ત્વચાની સંવેદનશીલતા અને વિટામિન્સ જેવા મિનરલ્સની ઉણપ સર્જાય છે. ત્યારે તમારે ફૂડ હેબિટ ચેન્જ કરવાની જરુર છે. ફૂડ પ્લેટમાં રસદાર ફળો, શાકભાજી અને દહીં જેવા તંદુરસ્ત ખોરાકનો સમાવેશ કરવો જોઈએ. ત્યારે ચાલો જાણીએ કેવા ખોરાકને ભોજનમાં કરશો સામેલ
દહીં
દહીંમાં પ્રોટીન ભરપૂર માત્રામાં હોય છે. ઉનાળામાં દહી અને છાશનું સેવન પાચનતંત્ર સુધારે છે. દહી તમારા શરીરમાં પ્રોટીનની ભૂખને દૂર કરે છે. ઉનાળામાં બહારના ઓઇલી નાસ્તાથી દૂર રહેવુ જોઇએ. તે પ્રોબાયોટીક્સ, તમારી પાચન તંત્રને સ્વસ્થ રાખવા માટે મદદરૂપ બેક્ટેરિયા પણ પ્રદાન કરે છે. આથી બપોરે જમ્યા પછી દહી કે છાશ તો અવશ્ય ખાવું.
લીંબુ-ફૂદીનો
ઉનાળામાં ગળુ સુકાઇ જાય છે . વારંવાર તરસ લાગે છે. આવી સ્થિતિમાં લીંબુ અને ફુદીનાનુ શરબત અજાયબી જેવુ કામ કરશે. લીંબુ અને ફુદીનો ડાયટમાં સામેલ કરવાથી લીવર સારી રીતે કાર્ય કરે છે અને તમારા મેટાબોલિઝમને મજબૂત બનાવે છે.
તરબૂચ
તરબૂચ ઉનાળાનું શ્રેષ્ઠ ફળ છે. તે તમારા પેટને ઠંડુ અને હાઇડ્રેટેડ રાખે છે. ભરપૂર માત્રામાં પાણી હોવાને કારણે પેટ ભરેલું લાગે છે. તરબૂચમાં લાઇકોપીન પણ હોય છે, જે ત્વચાના કોષોને સૂર્યના નુકસાનથી બચાવે છે.
નારંગી
નારંગીમાં પોટેશિયમ ભરપૂર માત્રામાં જોવા મળે છે. ઉનાળાના ખોરાકમાં આ પોષક તત્વ ખૂબ જ મહત્વપૂર્ણ માનવામાં આવે છે. તેમાં લગભગ 80 ટકા પાણી હોય છે અને તે સ્નાયુઓની ખેંચાણથી રાહત આપે છે. વળી આ ફળો બોડીમાં પાણીનું સંતુલન જાળવી રાખે છે.
ટામેટા
ટામેટાંમાં ભરપૂર માત્રામાં એન્ટીઓક્સીડેન્ટ અને વિટામિન સી હોય છે. તેમાં લાઇકોપીન જેવા ફાયદાકારક ફાયટોકેમિકલ્સ પણ હોય છે, જે ક્રોનિક રોગો, ખાસ કરીને કેન્સરને મટાડવામાં મદદ કરે છે. આપણે તેને કાચું પણ ખાઈ શકીએ છીએ.