BIG NEWS / નાગપુરમાં ભયંકર અકસ્માત: ઓવરટેક કરવા જતાં 7 લોકોના મોત, બાળકીનો આબાદ બચાવ

• નાગપુરમાં ગમખ્વાર અકસ્માત
• અકસ્માતમાં સાત લોકોના મોત, બાળકી બચી ગઈ
• ટવેરા ગાડી ઓવરટેક કરવા જતાં ટ્રકે મારી ટક્કર

મહારાષ્ટ્રના નાગપુર જિલ્લામાં એક ભીષણ રોડ અકસ્માતમાં સાત લોકોના મોત થઈ ગયા છે. કહેવાય છે કે, એક ટવેરા અને ટ્રક વચ્ચે અકસ્માત થતાં સાત લોકોના મોત થયા છે. મરનારા લોકોમાં ત્રણ મહિલા અને બે પુરુષોનો પણ સમાવેશ થયો  હતો. જ્યારે એક બાળકીનો આબાદ બચાવ થયો છે. આ કાર નાગપુરથી ઉમરેડ તરફ જઈ રહી હતી. ત્યારે એક ટ્રકે ભયંકર રીતે ટક્કર મારી હતી.

Maharashtra | Five people died on spot in Nagpur after the vehicle they were in, rammed into a truck. The victims included three women and two men.

— ANI (@ANI) May 7, 2022

આ દુર્ઘટનામાં મરનારા લોકોનો આંકડો હજૂ પણ વધી શકે છે. આ દુર્ઘટના ત્યારે થઈ જ્યારે ટવેરા ગાડી ટ્રકને ઓવરટેક કરી રહી હતી. કહેવાય છે કે, શુક્રવારની રાતે સાડા દશ વાગ્યે લગભગ ટવેરા ઉમરેડથી નાગપુર તરફ જઈ રહી હતી. આ દરમિયાન ઉમરગામ પાસે ટવેરાની ટક્કર ટ્રક સાથે થઈ હતી. ટક્કર એટલી જબરદસ્ત હતી કે, ટવેરા ગાડીનો આગળનો ભાગ ભાંગીને ભુક્કો થઈ ગયો હતો. મૃતકમાં 6 પુરુષ અને 1 મહિલા સામેલ છે. જે બધાં એક બીજાના સંબંધીઓ હતા.

થોડી વાર માટે હાઈવે બંધ કરવો પડ્યો

દુર્ઘટના બાદ નાગપુર ઉમરેડ હાઈવેને થોડી કલાક માટે બંધ કરવો પડ્યો હતો. હાઈવેની બંને તરફ ગાડીઓની લાઈનો લાગી ગઈ હતી. આ બાજૂ દુર્ઘટનાની જાણકારી મળતા પોલીસ પણ ઘટનાસ્થળે પહોંચી ગઈ હતી. પોલીસે ક્રેન દ્વારા દુર્ઘટનાગ્રસ્ત ગાડીઓને રસ્તા પરથી હટાવી અને વાહનવ્યવહાર શરૂ કર્યો હતો.