સુરેન્દ્રનગર: ગેરકાયદેસર રીતે ચાલતા ગર્ભ પરીક્ષણ મામલે પોલીસે વધુ એકની કરી ધરપકડ

સુરેન્દ્રનગર: જિલ્લાના ચોટીલાની મણીરત્ન હોસ્પિટલમાં ચાલતા ગર્ભ પરીક્ષણ મામલે રાજકોટ ક્રાઈમબ્રાંચે વધુ એક આરોપીને દબોચી લીધો છે. આરોપી ઉમેદ ઉર્ફે મુન્ના ગિલાણીની ધરપકડ કરવામાં આવી છે.

રાજકોટ ક્રામબ્રાંચ ગિલાણીને આજે રિમાન્ડ અર્થે કોર્ટમાં રજૂ કરશે. મહત્વનું છે કે આ કેસમાં અત્યાર સુધી 5 આરોપીની ધરપકડ કરવામાં આવી છે. મહત્વનું છે કે ચોટીલાની આ હોસ્પિટલમાં વાયરલેસ સોનોગ્રાફી મશીન દ્વારા ગર્ભ પરિક્ષણ કરાતું હતું.
 

#BREAKING#Rajkot માં ગર્ભ પરીક્ષણનો મામલો #CrimeBranch વધુ એક આરોપીની કરી ધરપકડ
ઉમેદ ઉર્ફે મુન્ના ગિલાણીની કરી ધરપકડ
આજે કોર્ટમાં રિમાન્ડ માટે કોર્ટમાં રજૂ કરાશે
અત્યાર સુધી કુલ 5 આરોપીઓની ધરપકડ pic.twitter.com/CiTkcWfvEu

— VTV Gujarati News (@VtvGujarati) August 28 2018

આ ઘટના અંગે મળતી વિગત પ્રમાણે સુરેન્દ્રનગર જિલ્લાના ચોટીલા તાલુકામાં આવેલ મણીરત્ન હોસ્પિટલમાં ગર્ભ પરીક્ષણ ચાલતું હોવાની બાતમી રાજકોટ ક્રાઇમબ્રાંચને મળતા ક્રાઇમબ્રાંચે છટકું ગોઠવેલ. જેમાં વાયરલેસ સોનોગ્રાફીની મદદથી ગર્ભ પરિક્ષણ કરનાર સહિત 5ની ધરપકડ કરી છે.



ઉલ્લેખનીય છે કે જિલ્લા કલેકટર રાહુલ ગુપ્તાની મળેલી બાતમીના આધારે પોલીસ કમિશનર મનોજ અગ્રવાલે ક્રાઈમ બ્રાંચ અને આરોગ્ય વિભાગની ટીમ બનાવી પોર્ટેબલ અલ્ટ્રા સાઉન્ડ મશીનની મદદથી ગર્ભ પરિક્ષણના ચાલતા ગોરખધંધાનો પર્દાફાશ કર્યો છે. આ મામલે ક્રાંઇમ બ્રાંચે 5 લોકોની ધરપકડ કરીને કાયદેસરની કાર્યવાહી હાથ ધરી હતી.