Fitness Tips / ચહેરા પરની ચરબીને દૂર કરવી છે તો અપનાવી લો આ ખાસ ટિપ્સ, મળશે કમાલનું રીઝલ્ટ

• ચરબી ઘટાડવા માટે કામની છે આ ટિપ્સ
• ચહેરા પરની ચરબી ઘટાડવા કરી લો આ કામ
• ફટાફટ ઓગળી જશે ફેટ અને ચહેરો દેખાશે સ્લીમ

 
શરીરના કોઈ પણ ખાસ ભાગની ફેટને ઘટાડવાનું કામ ખૂબ જ મુશ્કેલ હોય છે. જો આ સમયે તમે કેટલીક ટિપ્સ અજમાવી લો છો તો તમે ચહેરાની ફેટ એટલે કે ચરબીને ઘટાડી શકો છો. ચહેરો એ તમારા વ્યક્તિત્વની ઓળખ છે. જો તમે તેને સુંદર અને સ્લીમ રાખવા ઈચ્છો છો તો તમારે આ ઉપાયો પર ધ્યાન રાખવાની જરૂર છે. 

જાણો ચહેરા પરની ફેટ ઓછી કરવા માટે કઈ ટિપ્સ કમાલ કરે છે. 
 
સપ્લીમેન્ટને બદલે ડાયટમાં કેલ્શિયમ અને વિટામીન્સ વાળા ફૂડ્સને સામેલ કરો. તેનાથી ફેશિયલ બોન્સ મજબૂત થશે, શક્ય તેટલા પ્રમાણમાં ફળનું સેવન કરવાથી લાભ થશે. 

રાતના સમયે મીઠાનું વધારે પડતું સેવન કરવાનું ટાળો. મીઠામાં સોડિયમ વધારે પ્રમાણમાં હોય છે. તેને ડિટોક્સ કરવામાં મુશ્કેલી થાય છે. જંક ફૂડમાં સોડિયમ વધારે હોય છે. આ માટે રાતે જંક ફૂડ ખાવાનું ટાળો. ભોજન અને સલાડમાં ઓછું મીઠું વાપરો તે યોગ્ય છે.  

વધારે પડતું દારુનું સેવન પણ તમને નુકસાન કરી શકે છે. તેનાથી શરીર ડિહાઈડ્રેટ થાય છે. આ કારણે હાનિકારક તત્વો શરીરના અલગ અલગ ભાગમાં જમા થાય છે.  

જો તમારી ઊંઘ પણ પૂરી નહીં થતી હોય તો તમને સતત થાક અને તણાવનો અનુભવ થશે. તેનો પ્રભાવ તમારા બ્લડ સર્ક્યુલેશન પર પડે છે. આ કારણે શરીરમાં ફેટ જમા થવા લાગે છે.  

આ સિવાય તમે ફેશિયલ એક્સરસાઈઝ અને કાર્ડિયો એક્સરસાઈઝ નિયમિત રીતે કરો છો તો તમને લાભ થઈ શકે છે. આ ચહેરાની ચરબીને ઓછી કરવામાં મદદ કરે છે. નિયમિત રીતે ફેશિયલ કરાવો. ફેસ મસાજથી ચહેરામાં લોહીનો સંચાર વધે છે. આ ફેટ બર્ન કરવામાં મદદ કરે છે.