હેલ્થ / સ્વસ્થ રહેવા મજબૂત લિવર છે જરૂરી; આ વસ્તુઓનું સેવન કરો અને લિવરને રાખો ફીટ અને હેલ્ધી

લિવર આખા શરીરને ડીટોક્સ કરે છે. લિવર સાફ અને મજબૂત હોય તો આખું શરીર સ્વસ્થ રહે છે. લિવરને મજબૂત કરવાની કેટલીક ટિપ્સ આ પ્રમાણે છે. 

1. બીટ- બીટરૂટ એન્ટીઓકિસડન્ટો, ખનિજો અને વિટામિનથી ભરપુર હોય છે. તેનાથી પિત્ત સુધરે છે અને શરીરમાંથી ઝેર દૂર થાય છે.
2. બેરીઝ- ક્રેનબેરી અને બ્લુબેરી જેવાં ફળોમાં એન્થોસાયનિન હોય છે જે લિવરને કોઈપણ પ્રકારના નુકસાનથી સુરક્ષિત રાખે છે. આ એન્ટીઓકિસડન્ટ લીવરના ઈમ્યુન રિસ્પોન્સને પણ સુરક્ષિત રાખે છે.
3. લસણ- લસણમાં એલિસિન કમ્પાઉન્ડ હોય છે જે આખા શરીરને ડિટોક્સ કરવા માટે જાણીતું છે. લસણમાં એન્ટીઓકિસડન્ટ અને એન્ટીબાયોટીક ગુણ પણ હોય છે. આ લિવરને સ્વચ્છ અને મજબૂત બનાવે છે.
4. ગ્રેપ્સ- દ્રાક્ષમાં હાજર એન્ટીઓકિસડન્ટ ઇન્ફ્લેમેશન ઘટાડે છે અને લિવરના કોષોને સુરક્ષિત કરવામાં મદદ કરે છે.
5. મસાલો- ધાણા, હળદર, આદુ અને સિંહપર્ણીના મૂળ શક્તિશાળી ડિટોક્સિફાયર માનવામાં આવે છે. આ બધા મસાલા લિવરને મજબૂત બનાવે છે.
6. કોફી- કોફીમાં હાજર પોલીફેનોલ્સમાં એન્ટીઓક્સિડંટ અને એન્ટીઇન્ફ્લેમેટરી ગુણ હોય છે જે સિરોસિસને આગળ વધતા રોકે છે અને લિવરની રક્ષા કરે છે.