ટેક્નોલોજી / અહીં છે વિશ્વનું પ્રથમ વર્ચ્યુઅલ રિયાલિટી જિમ, વીડિયો ગેમ રમતા-રમતા ઉઠાવો એક્સરસાઇઝનો આનંદ

અમેરિકાનાં સૈન ફ્રાંસિસ્કોમાં દુનિયાનું પ્રથમ વર્ચ્યુઅલ રિયાલિટી જિમ શરૂ થયું છે. આ જિમનાં આવવાંથી લોકોને એક્સરસાઇઝ કરવી એ પહેલાનાં મુકાબલે ખૂબ સરળ થઇ ગયેલ છે. આ એક એવું જિમ છે કે જ્યાં એક્સરસાઇઝ કરવાની સાથે-સાથે વીડિયો ગેમ પણ રમી શકાશે.

અહીં આવીને લોકો વર્ચ્યુઅલ રિયાલિટી વીડિયો ગેમ રમી શકે છે કે જેમાં સ્વચાલિત કેબલ મશીનનું કોમ્બિનેશન છે. મીડિયા રિપોર્ટનાં અનુસાર, એક્સરસાઇઝ કરનારા લોકોને એક રૂમ આપવામાં આવે છે, જ્યાં વીઆર હેડસેટ અને અન્ય ઉપકરણ પહેરવાનું રહે છે. આ એવાં ડિવાઇસ છે કે જે તેમનાં હાથોની સ્થિતિને ટ્રેક કરે છે.

વર્ચ્યુઅલ રિયાલિટી ગેમની સહાયતાથી એક્સરસાઇઝ કરનારા પોતાનાં ખુદનાં જ ગઇ વખતનાં પ્રદર્શન અથવા તો પછી કોઇ અન્ય વ્યક્તિનાં પ્રદર્શનથી પ્રતિસ્પર્ધા પણ કરી શકે છે. કંપનીનું કહેવું એમ છે કે, "લોકો પોતાનાં હેડસેટ સાથે બ્લેક બોક્સ રૂમમાં જવાંથી એક નવી જ દુનિયામાં પહોંચી જાય છે." આવું કરીને લોકો ભૂલી જાય છે કે તેઓ એક્સરસાઇઝ કરી રહ્યાં છે અને તેઓ પણ ફીટ રહે છે.