PPP ધોરણે AMC ન્યુબર્ગ સુપ્રાટેક સાથે મળી કરશે ટેસ્ટ
અમદાવાદમાં કોરોનાનું સંક્રમણ વધતા AMCએ મહત્વનો નિર્ણય કર્યો છે. દેશમાં સૌ પ્રથમવાર અમદાવાદ મ્યુનિસિપલ કોર્પોરેશન દ્વારા ડ્રાઇવ થ્રુ RT PCR ટેસ્ટની એક અનોખી પહેલ શરૂ કરવામાં આવી છે.
— VTV Gujarati News and Beyond (@VtvGujarati) April 14, 2021
GMDC ગ્રાઉન્ડ ખાતે ડોમ ઊભા કરી 5 કલેક્શન સેન્ટર બનાવવામાં આવ્યા
આજથી અમદાવાદ મ્યુનિસિપલ કોર્પોરેશન અને ન્યુબર્ગ સુપરાટેક પ્રાઇવેટ લેબ સાથે મળીને GMDC ગ્રાઉન્ડ ખાતે ડ્રાઇવ થ્રુ RT PCR ટેસ્ટ શરૂ કરવામાં આવશે. જેમાં ટેસ્ટ કરાવનાર પોતાની ગાડીમાં જ બેસીને મિનિટોમાં જ સેમ્પલ આપી શકશે. આ માટે GMDC ગ્રાઉન્ડ ખાતે ડોમ ઊભા કરી 5 કલેક્શન સેન્ટર બનાવવામાં આવશે.
ટેસ્ટ કરાવનાર વ્યક્તિએ અગાઉથી અપોઈન્ટમેન્ટ લેવી જરૂરી નથી. ટેસ્ટ કર્યા બાદ રિપોર્ટ 24 થી 36 કલાક પછી વોટ્સએપ, એસ.એમ.એસ અથવા ઈ-મેલ દ્વારા સરળતાથી મેળવી શકાશે. ડ્રાઇવ થ્રુની એન્ટ્રી કરતા સમયે લોકો પોતાના મોબાઈલથી QR કોડ સ્કેન કરીને નોંધણી કરી શકશે. નોંધણી થઈ જાય એટલે ટોકન નંબર જનરેટ થશે. જે ટોકન નંબર કલેક્શન સેન્ટર ખાતે બતાવવાનો રહેશે. આ કલેક્શન સેન્ટર સવારે 8 વાગ્યાથી લઈને રાત્રે 8 વાગ્યા સુધી ચાલુ રહેશે.
ડ્રાઇવ થ્રૂ ટેસ્ટનો લાભ લેવા માટે પ્રાઇવેટ કેબમાં પણ આવી શકાશે. આ ટેસ્ટના પરીક્ષણ માટે ગુજરાત સરકાર દ્વારા નિર્ધારિત કર્યા મુજબ પરીક્ષણનો ખર્ચ 800 રૂપિયા રહેશે.. આપને જણાવી દઈએ કે, આ સુવિધા સુફલામ સોલ્યુશન પ્રાઈવેટ લિમિટેડ દ્વારા સંપૂર્ણ કમ્પ્યુટરરાઈઝડ કરવામાં આવી છે.