વાહ! / ગુજરાત રાજકારણના 20 વર્ષના ઈતિહાસમાં પ્રથમ વખત બની આવી ઘટના, વિધાનસભા અધ્યક્ષે નવો ચીલો ચાતર્યો

• ગુજરાતમાં છેલ્લા 20 વર્ષના ઇતિહાસમાં પ્રથમ ઘટના
• વિધાનસભા ગૃહમાં અધ્યક્ષ રાજેન્દ્ર ત્રિવેદીની પહેલ
• પ્રથમ વાર પ્રોટેમ સ્પીકર તરીકે વિપક્ષના સભ્ય

ગુજરાતમાં છેલ્લા 20 વર્ષના ઇતિહાસમાં પ્રથમ વખત આ ઘટના બની છે. વિધાનસભા ગૃહમાં અધ્યક્ષ રાજેન્દ્ર ત્રિવેદીએ નવીન પહેલ કરી છે. પ્રથમ વાર પ્રોટેમ સ્પીકર તરીકે વિપક્ષના સભ્યને સામેલ કરવામાં આવ્યા છે. કોંગ્રેસના ધારાસભ્યને પ્રોટેમ સ્પીકર બનાવાયા છે. કોંગ્રેસના ડો.અનીલ જોશીયારાને પ્રોટેમ સ્પીકર બનાવાતા ગુજરાત વિધાનસભાના ઈતિહાસમાં એક નવીન કલગી ઉમેરાઈ ગઈ છે. 

સરકારી જમીન પર દબાણ અંગે થઈ ચર્ચા

સરકારી જમીન પર દબાણો મમલે ગૃહમાં ચર્ચા થઈ.  આ દરમિયાન પ્રદીપસિંહ જાડેજાએ જણાવ્યું કે સરકારી જમીન પર દબાણ થતાં કલેક્ટર કાર્યવાહી કરી શકે છે. સુઓમોટો દાખલ કરી શકે છે. આ માટે જ લેન્ડ ગ્રેબિંગ એક્ટ લાવ્યા છીએ. નાના અને મધ્યમ વર્ગના ખેડૂતો માટે કાયદો છે. પ્રદીપસિંહ જાડેજાએ અમિત ચાવડાને જવાબ આપતા કહ્યું કે કોંગ્રેસના સમયમાં કાયદા વ્યવસ્તાની શું સ્થિતિ હતી. અને અમારા સમયમાં કેવી છે. એ જનતા જાણે છે. માટે જ જનતાએ અમને સત્તામાં અને તમને વિપક્ષમાં બેસાડ્યા છે.

ઈજનેર કોલેજોમાં ખાલી મહેકમ

રાજ્યમાં સરકારી ઈજનેર કોલેજમાં 534ના મહેકમ સામે 238 જગ્યાઓ ભરેલી છે તો સામે 296 જેટલી જગ્યાઓ ખાલી છે. મહત્વપૂર્ણ છે કે બાકીની 296 જેટલી જગ્યાઓ ભરવા અંગેનો સરકાર દ્વારા કોઈ પણ પ્રકારનો સ્પષ્ટ જવાબ આપવામાં આવ્યો નહોતો. ધારાસભ્ય કનુ બારૈયાએ પૂછેલા પ્રશ્નમાં આ માહિતી સામે આવી છે