ભારતીય ક્રિકેટ ટીમના કેપ્ટન વિરાટ કોહલી વિશ્વના શ્રેષ્ઠ બેટ્સમેનમાંથી એક છે પરંતુ વર્ષ 2020 કોહલી માટે સારું ન રહ્યું, વર્ષ 2009થી ચાલી આવતો દર વર્ષે સેન્ચુરીનો સિલસિલો આ વર્ષે થંભી ગયો.
2009થી દર વર્ષે પોતાના વિરાટ બેટથી સેન્ચુરી ફટકારતા કોહલી
આ વર્ષે કોહલી ન ફટકારી શક્યા એક પણ સદી
જોકે તેમણે માસ્ટર બ્લાસ્ટરનો એક મહત્વનો રેકોર્ડ તોડી પોતાના નામે કર્યો
શાંત પડ્યું વિરાટ બેટ
ભારતીય ક્રિકેટ ટીમનાં કેપ્ટન વિરાટ કોહલીએ બુધવારે વનડે મેચમાં 63 રન ફટકાર્યા અને આ સાથે જ વિરાટ કોહલીના નામે એક ખૂબ ખરાબ રેકોર્ડ નોંધાઈ ગયો.વર્ષ 2009થી દર વર્ષે પોતાના વિરાટ બેટથી સેન્ચુરી ફટકારતા કોહલીનો બેટ આ વર્ષ સાવ શાંત રહ્યો અને એક પણ સદી આ વર્ષે ન થઇ શકી.
કોહલીને વિશ્વનાં શ્રેષ્ઠ બેટ્સમેનમાં ગણવામાં આવે છે અને તેમણે વર્ષ 2009માં શ્રીલંકા સામે ઈડન ગાર્ડનમાં પહેલી સદી ફટકારી હતી. તે બાદ એક પણ વર્ષ એવો ન રહ્યો જેમાં કોહલીએ કમાલ ન કર્યો હોય, દર વર્ષે આ જ સિલસિલો યથાવત્ રહ્યો. નોંધનીય છે કે વર્ષ 2008માં કોહલીએ ડેબ્યુ કર્યું હતું પણ તે વર્ષમાં તેઓ સદી ફટકારવામાં અસફળ રહ્યા હતા.
કોરોનાકાળ પણ છે એક કારણ
નોંધનીય છે કે આ વર્ષે કોરોના વાયરસના કારણે વિશ્વભરમાં રમતગમત બંધ હતા અને ખૂબ ઓછા સમય માટે જ ક્રિકેટની મેચનું આયોજન કરવામાં આવ્યું છે ત્યારે કોહલી સદી ન ફટકારી શક્યા તેમાં એક કારણ કોરોના વાયરસને પણ ગણી શકાય. આ વર્ષે કોરોના વાયરસના કારણે ભારતીય ટીમે માત્ર નવ જ વનડે મેચ રમી છે.
જોકે આ સમયમાં કોહલીએ પોતાના નામે એક ખૂબ મોટો રેકોર્ડ નોંધાવ્યો છે. વનડેમાં સૌથી ઓછી ઈનિંગમાં 12000 રન પૂરા કરનાર ખેલાડી તેઓ બની ગયા છે. કોહલીએ પોતાના નામે 251મી મેચમાં આ રેકોર્ડ નોંધાવ્યો છે. કોહલીએ માસ્ટર બ્લાસ્ટર સચિવ તેંડુલકરનો રેકોર્ડ તોડ્યો છે.
રવિવારે બીજી મેચમાં કોહલીએમાં 22 હજાર ઇન્ટરનેશનલ રન પૂરા કર્યા હતા અને તે મેચમાં કોહલીએ 89 રન ફટકાર્યા. આ વર્ષે કેપ્ટનના રૂપે કોહલીએ સતત પાંચમી વનડે હારનો કરવો પડ્યો હતો.