ભારતે ત્રીજી T20 મેચમાં શ્રીલંકાને 91 રને હરાવ્યું છે. આ જીત સાથે તેણે ત્રણ મેચની T20 શ્રેણી 2-1થી કબજે કરી લીધી. ભારતીય ટીમની જીતનો હીરો સૂર્યકુમાર યાદવ હતો જેણે સદી ફટકારી હતી
ભારતે ત્રીજી T20 મેચમાં શ્રીલંકાને 91 રને હરાવ્યું છે. આ જીત સાથે ભારતે ત્રણ મેચની T20 શ્રેણી 2-1થી કબજે કરી લીધી. ભારતીય ટીમની જીતનો હીરો સૂર્યકુમાર યાદવ હતો જેણે સદી ફટકારી હતી. હવે બંને ટીમો વનડે શ્રેણીમાં ભાગ લેશે.
Captain @hardikpandya7 picks up his second wicket as Chamika Karunaratne is given out LBW!
પ્રથમ બેટિંગ કરતા ભારતે શ્રીલંકાને જીતવા માટે 225 રનનો ટાર્ગેટ આપ્યો હતો. સૂર્યકુમાર યાદવે 51 બોલમાં 112 રનની અણનમ ઇનિંગ રમી જેમાં 9 છગ્ગા અને સાત ચોગ્ગા સામેલ હતા. ત્યારે શ્રીલંકાની ટીમ 16.4 ઓવરમાં 137 રનમાં સમેટાઈ ગઈ હતી. ત્યારે ભારતે શ્રેણી 2-1થી જીતી લીધી છે.
Arshdeep Singh picks up the final wicket of the innings as #TeamIndia win by 91 runs and clinch the series 2-1.
સૂર્યકુમાર યાદવને કારણે ભારતે ઊભો કર્યો વિશાળ સ્કોર
રાજકોટની ધરતી પર રમાયેલી કરો યા મરો જેવી કટોકટીવાળી અંતિમ ટી20માં ભારતના સૂર્યકુમાર યાદવે સૌથી વિસ્ફોટક સદી ફટકારીને શ્રીલંકાના બોલર્સની જબરી ધોલાઈ કરી હતી. સૂર્યકુમારની વિસ્ફોટક સદીને કારણે ભારતે શ્રીલંકાને 229 જેવો મોટો સ્કોર આપીને તેમની જીત મુશ્કેલ બનાવી મૂકી હતી. સૂર્યકુમારે માત્ર 45 બોલમાં સદી ફટકારી હતી. ટી-20 ઈન્ટરનેશનલમાં સૂર્યકુમાર યાદવની આ ત્રીજી સદી છે. સૂર્યકુમાર યાદવે 51 બોલની પોતાની ઈનિંગમાં 112 રન બનાવ્યા હતા. આ દરમિયાન તેના બેટમાંથી 7 ચોગ્ગા અને 9 છગ્ગા આવ્યા હતા. સૂર્યાની તોફાની ઈનિંગ સાથે ભારતે 20 ઓવરમાં 5 વિકેટે 228 રન બનાવ્યા હતા. ટી-20 ઈન્ટરનેશનલમાં સૂર્યકુમારની આ ત્રીજી સદી છે.
અર્શદીપ સિંહે ત્રણ ખેલાડીઓને આઉટ કર્યા
229 રનના મોટા ટાર્ગેટ સામે શ્રીલંકાની ટીમ સંપૂર્ણ રીતે બેકફૂટ પર દેખાતી હતી અને સતત વિકેટો ગુમાવતી રહી હતી. શ્રીલંકા તરફથી દાસુન શનાકા અને કુસલ મેન્ડિસે સૌથી વધુ 23-23 રન બનાવ્યા હતા. ભારત તરફથી અર્શદીપ સિંહે ત્રણ ખેલાડીઓને આઉટ કર્યા હતા. જ્યારે હાર્દિક પંડ્યા, ઉમરાન મલિક અને યુઝવેન્દ્ર ચહલે બે-બે વિકેટ લીધી હતી.
સૂર્યકુમારે આંતરરાષ્ટ્રીય ક્રિકેટમાં નવો વર્લ્ડ રેકોર્ડ બનાવ્યો
ભારતીય ટીમના બેટ્સમેન સૂર્યકુમાર યાદવે T20 આંતરરાષ્ટ્રીય ક્રિકેટમાં નવો વર્લ્ડ રેકોર્ડ બનાવ્યો છે. સૂર્ય T20 ક્રિકેટમાં ત્રણ સદી ફટકારનાર વિશ્વનો પ્રથમ ક્રિકેટર બન્યો અને ત્રણેય સદી ઓપનિંગથી જ ફટકારનાર એકમાત્ર ખેલાડી બન્યો.તેના સિવાય અન્ય કોઈ બેટ્સમેન આ સિદ્ધિ મેળવી શક્યો નથી.
ક્યા ક્યાં બેટ્સમેને આંતરરાષ્ટ્રીય T20 માં સદી ફટકારેલ છે
સૂર્યા ભારત માટે સૌથી વધુ સદી ફટકારનાર બીજો બેટ્સમેન બની ગયો છે. તેણે કેએલ રાહુલને પાછળ છોડી દીધો છે.તેનાથી આગળ રોહિત શર્મા છે, જેણે T20 આંતરરાષ્ટ્રીય ક્રિકેટમાં 4 સદી ફટકારી છે.સૂર્યા હવે 3 સદી સાથે બીજા અને કેએલ રાહુલ 2 સદી સાથે ત્રીજા સ્થાને છે. તેમના સિવાય સુરેશ રૈના, દીપક હુડા અને વિરાટ કોહલીએ એક-એક સદી ફટકારી છે.