અમદાવાદ / પહેલા વરસાદે વેર્યો વિનાશ, શહેરમાં જ્યાં જુઓ ત્યાં હોર્ડિંગ્સ અને વૃક્ષો ધરાશાયી, પાણીનાં ભરાવા સાથે રસ્તાઓ બંધ                              

• અમદાવાદમાં ગત મોડી સાંજે મિની વાવાઝોડું ફુંકાયુ
• શહેરના અનેક વિસ્તારોમાં વૃક્ષો ધરાશાયી થયા
• ભારે પવનના કારણે સાઈનબોર્ડ અને હોર્ડિંગ્સ ધરાશાયી થયા

અમદાવાદમાં લાંબી રાહ જોવડાવ્યા બાદ આખરે આજે સાંજે અનેક વિસ્તારોમાં ભારે પવન સાથે જોરદાર વરસાદ શરૂ થયો હતો. જેને લઈને  સમગ્ર અમદાવાદ શહેરમાં સાર્વત્રિક વરસાદ વરસ્યો હતો. વરસાદ સાથે 30 થી 40 કિ.મીની ઝડપે ભારે પવન સાથે મિની વાવાઝોડું પણ ફૂંકાયું હતો. જેને લઈને ઠેર ઠેર વૃક્ષો, સાઈન બોર્ડ, હોર્ડિંગ બોર્ડ વૃક્ષો ધરાશાઈ થવાની ઘટનાઓ પણ સામે આવી હતી. 

ભારે પવન સાથે વરસાદથી નુકસાન

ભારે પવનમાં ઘણા વૃક્ષો ધરાશાઈ થયાં હતાં. વેજલપુર વિસ્તારમાં રેડિયો મીરચી રોડ સામે આવેલું એક મહાકાય વૃક્ષ ધરાશાયી થયું હતું. આ વૃક્ષ દુકાનના શેડ ઉપર નુકશાન શેડમાં પણ નુકસાન થયું હતું. વૃક્ષ નીચે વાહનો પણ દબાયા હતા અને સ્થાનિકોએ વાહન કાઢવાના પ્રયાસ કર્યા હતા.તો વળી શહેરમાં ભારે વરસાદના કારણે વસ્ત્રાપુર ફાટક પાસે વૃક્ષ ધરાશાયી થયું છે. થલતેજ વિસ્તારમાં પણ ભારે પવન સાથે વરસાદની શરુઆત થઈ છે. વરસાદનું આગમન થતા લોકોને અસહ્ય બફારાથી રાહત મળી છે. એસપી રીંગ રોડ, પ્રહલાદ નગર ગાર્ડન, નહેરુનગર, શિવરંજની સહિતના વિસ્તારમાં વરસાદ પડ્યો છે.

શહેરના અનેક સ્થળે સાઈનબોર્ડ, બેનર ધરાશાયી

તો બીજી તરફ વરસાદમાં સાઈન બોર્ડ પણ પડી ગયું હોવાનો બનાવ સામે આવ્યો હતો. પવન સાથે વરસાદ શરૂ થતાંની સાથે રાયપુર દરવાજા પાસે અમદાવાદ મ્યુનિસિપલ કોર્પોરેશનનું સાઈન બોર્ડ પડી ગયું હતું. જ્યારે બોપલ-ઘુમા, સરખેજ, સનાથલ, બાકરોલ વરસાદથી લાઈટો ગુલ થઈ ગઈ હતી. જો કે વીજ કંપનીઓએ ભારે જહેમત ઉઠાવી અડધી કલાકમાં જ વીજ પૂરવઠો પૂર્વવત કર્યો હતો. 

ભારે પવનથી શહેરમાં 80 જેટલા વૃક્ષ ધરાશાયી

અમદાવાદમાં ભારે પવન સાથે વરસાદના પગલે અમદાવાદ ફાયરબ્રિગેડ અને અલગ અલગ વિસ્તારમાંથી 80 થી વધુઝાડ પડવાના કોલ મળી રહ્યા છે. વસ્ત્રાપુર ફાટક પાસે એક મોટું ઝાડ ધરાશાયી થયું છે. ઉપરાંત બોડકદેવમાં પણ બે વૃક્ષો ધરાશાયી થયા છે.