ગજબ / ભારતનું જોરદાર રેલવે સ્ટેશન! જેમ-જેમ ગરમી પડે તેમ તેમ કરે છે લાખોની કમાણી, જાણો શું છે કારણ

• સોલાર પેનલ્સ ધરાવતું ભારતનું પ્રથમ સ્ટેશન 
• વર્ષે 2.2 લાખ યુનિટ્સ વીજળી કરે છે ઉત્પન્ન 
• ઓક્સિજન સપ્લાય કરીને રચ્યો ઈતિહાસ 

ભારતીય રેલવે એક અનોખા ઈનોવેશન પર કામ કરી રહ્યું છે. તાજેતરમાં, રેલવેમાં ઘણા આવિષ્કારો જોવા મળ્યા છે. જે મુસાફરો માટે મુસાફરીનો અનુભવ સારો બનાવે છે અને રેલવે વિભાગના ખર્ચને ઘટાડવાની સાથે પર્યાવરણને ઓછુ નુકસાન પહોંચાડે છે. આવી સ્થિતિમાં હવે રેલવેએ વિજયવાડા સ્ટેશન પર પણ આવો જ પ્રયોગ કર્યો છે, જે ખરેખર આશ્ચર્યજનક વાત છે. જેનાથી રેલવેની બચતમાં વધારો થશે, સાથે સાથે મુસાફરોને આરામદાયક યાત્રાનો અનુભવ પણ મળશે. કેન્દ્રીય રેલવે મંત્રી પિયુષ ગોયલે ટ્વિટર દ્વારા ભારતના આ અનોખા પ્લેટફોર્મ વિશે જણાવ્યું છે.

પ્રથમ વખત બનાવ્યું સોલાર શેલ્ટર 
વિજયવાડા સ્ટેશનના પ્લેટફોર્મ પર શેલ્ટરની જગ્યાએ સોલર પેનલ્સ સ્થાપિત થયેલ છે. આ સોલર પેનલ્સ ઉત્પન્ન થતી સોલાર એનર્જી દ્વારા વીજળી બનાવવામાં આવે છે અને આ પેનલ દ્વારા મુસાફરો માટે શેલ્ટર પણ બનાવવામાં આવે છે. વિજયવાડા સ્ટેશન પર કરવામાં આવેલ આ પ્રયોગ ખુબ જ ઇનોવેટીવ છે. હવે આ પહેલું સ્ટેશન છે, જ્યાં આવા શેલ્ટર બનાવવામાં આવ્યા છે અને જ્યાંથી વીજળી પણ ઉત્પન્ન થઈ રહી છે. આ પેનલ્સ 130kwp ક્ષમતા સુધી વીજળી ઉત્પન્ન કરી શકે છે. 

રેલવે મંત્રીએ આપી વિજયવાડા સ્ટેશનની જાણકારી 
રેલવે મંત્રીએ આપેલી માહિતી પ્રમાણે, વિજયવાડા સ્ટેશન ભારતનું પહેલું સ્ટેશન છે, જ્યાં solar photovoltaic cover over platform બનાવવામાં આવ્યા છે. રેલવે મંત્રીએ જણાવ્યું કે સોલર પેનલ્સથી વાર્ષિક 8.1 લાખ રૂપિયાની બચત થશે અને તે સ્ટેશનની 18 ટકા વીજળીની રીકવારમેંટ પૂરી કરશે. આ ઉપરાંત, તે પ્લેટફોર્મ પર શેલ્ટર તરીકે કાર્ય કરશે. આ BIPV સોલર રૂફ છે, જેમાંથી વીજળી પણ ઉત્પન્ન કરવામાં આવશે. આ સોલાર પેનલ્સથી દર વર્ષે 2.2 લાખ યુનિટ્સ વીજળી બનાવવામાં આવશે, જેનાથી રેલવેને લાખો રૂપિયાના ફાયદા થશે. 1લી ડિસેમ્બર 2019માં, સ્ટેશનના પ્લેટફોર્મ 4 અને 5 પર   65kwp ક્ષમતાની પેનલ્સ સ્થાપિત કરવામાં આવી હતી અને હવે આ ઇનોવેશન અન્ય પ્લેટફોર્મ પર પણ કરવામાં આવ્યું છે.

ઓક્સિજન સપ્લાય કરીને રચ્યો ઈતિહાસ 
ઓક્સિજન એક્સપ્રેસ ટ્રેનોએ 35,000 MTથી વધુ LMO સપ્લાય કરીને દેશની સેવામાં એક લક્ષ્ય પ્રાપ્ત કર્યું છે. 477 ઓક્સિજન એક્સપ્રેસ દ્વારા દેશભરમાં ઓક્સિજનની સપ્લાય કરવામાં આવી છે અને ઓક્સિજન એક્સપ્રેસ ટ્રેનોએ અત્યાર સુધીમાં 1,990 ટેન્કરોનું વહન કર્યું છે અને 15 રાજ્યોમાં ઓક્સિજન પહોચાડ્યું. ઓક્સિજન એક્સપ્રેસ દ્વારા દેશના દક્ષિણ રાજ્યોમાં 20,500 MTથી વધુ LMO સપ્લાય કરવામાં આવ્યા છે.